Adafi Fiami

◼ Womi nɛ a kɛ ma ha ngɛ October: Watchtower kɛ Awake! womi tɛtlɛɛ ɔmɛ. Ke nyɛ kpale ya slaa nɔ ko ɔ, nyɛ ha lɛ Baiblo Tsɔɔmi womi ɔ, loo womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ, ke lɔɔ lɛ sa, nɛ́ nyɛɛ bɔ mɔde nɛ nyɛɛ je Baiblo mi nikasemi sisi. November: Nyɛ ngɔ dɛ womi nɛ́ ke nyɛɛ kɛ tsu ní ngɛ nyɛ zugba kpɔ ɔ mi ɔ, e nuu tso kɛ tsu ní ke eko ngɛ. Ke nɔ ko je bua jɔmi kpo ɔ, nyɛɛ ngɔ Baiblo Tsɔɔmi womi ɔ loo womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ kɛ tsɔɔ lɛ bɔnɛ waa kɛ nihi kaseɔ Baiblo ɔ ha. December: Nyɛ ngɔ dɛ womi nɛ́ ke nyɛɛ kɛ tsu ní ngɛ nyɛ zugba kpɔ ɔ mi ɔ, e nuu tso kɛ tsu ní. Ke nɔ ko je bua jɔmi kpo ɔ, nyɛɛ ngɔ Baiblo Tsɔɔmi womi ɔ loo womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ kɛ tsɔɔ lɛ bɔnɛ waa kɛ nihi kaseɔ Baiblo ɔ ha. January: Nyɛ ha nihi womiyo saisaa nɛ hɛɛ bafa 32 nɛ e maa hi kɛ nítsumi ngɛ nyɛ zugba kpɔ ɔ mi. Ke nyɛ kpale ya slaa nɔ ko ɔ, nyɛ ha lɛ Baiblo Tsɔɔmi womi ɔ, loo womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ, ke lɔɔ lɛ sa, nɛ́ nyɛɛ bɔ mɔde nɛ nyɛɛ je Baiblo mi nikasemi sisi.

◼ Asafohi fuu a fiɛɛmi yami he akɔtaa bumi kpɛɔ se. Ke fiɛɛli ngɔ a fiɛɛmi yami he akɔtaa bumi kɛ ha mla a, wa bua jɔɔ he wawɛɛ. Wa ngɛ asafo mi womi ngmali tsuo kaie konɛ (ke a kɛ a we akɔtaa bumi ɔ mane ɔ kɛ guu post office, Internet nɔ ngɛ jw.org, loo kɛ gu fax nɔma nɛ ɔ (030-2712454)) nɔ jio ɔ, a ngɔ akɔtaa bumi ɔ kɛ ní nɛmɛ nɛ kpɛ se ɔmɛ kɛ piɛɛ he nɛ a kɛ mane mla daa nyɔhiɔ.