Adafi Fiami

◼ Womi nɛ a kɛ ma ha ngɛ November kɛ December: Nyɛɛ ngɔ dɛ womihi nɛ nyɛɛ se nɛ ɔmɛ nɛ nyɛ ngɛ eko ɔ kɛ tsu ní: Hɛ Nɔ Kami kɛ Ha Gbogboehi; Yesu Kristo—Mɛnɔ Ji Lɛ?; Le Anɔkuale ɔ; Si Himi Ngɛ Tue Mi Jɔmi Je He Ko Mi kɛ Who Really Rules the World? Ke nɔ ko je bua jɔmi kpo ɔ, nyɛɛ ngɔ Baiblo Tsɔɔmi womi ɔ loo womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ kɛ tsɔɔ lɛ bɔnɛ waa kɛ nihi kaseɔ Baiblo ɔ ha. January kɛ February: Nyɛ ha nihi womiyo saisaa nɛ hɛɛ bafa 32 nɛ e maa hi kɛ nítsumi ngɛ nyɛ zugba kpɔ ɔ mi.

◼ Ke nyɛ asafo ɔ maa ya kpe ngua a ngɛ November 19, 2012 otsi ɔ mi ɔ, e sa kaa asafo mi nikɔtɔma amɛ nɛ a to blɔ nya konɛ a tsu munyu nɛ ji, “Kɛ Yehowa Odasefoli Naa Sɔ Fɔmi Ha Kɛɛ?” ɔ he ní ngɛ Sɔmɔmi Kpe kpa nɛ nyɛ maa pee loko December 7, 2012 otsi ɔ maa su ɔ mi.