“Blɔhi A Nɔ Nɛ Wa Maa Gu Kɛ Ha Womi Tɛtlɛɛ Ɔmɛ Ngɛ . . .”

Daa nyɔhiɔ ɔ, Sɔmɔmi Kpe ɔ fã ko tsɔɔ blɔ nɔ nɛ wa maa gu kɛ ha womi tɛtlɛɛ ɔmɛ. Pi nɛ a to fã nɛ ɔ he blɔ nya konɛ a kɛ susu womi tɛtlɛɛ ɔmɛ a mi munyuhi a he. Mohu ɔ, a to fã nɛ ɔ he blɔ nya konɛ wa kɛ susu blɔhi a nɔ nɛ wa maa gu kɛ ha womi tɛtlɛɛ ɔmɛ. Lɔɔ he ɔ, blɔ tsɔɔmi nɛ a kɛ ha ngɛ he ji kaa, nyɛminyumu nɛ ma tsu he ní ɔ maa tu munyu kpiti nɛ e kɛ tle nihi a bua jɔmi ngɛ womi tɛtlɛɛ ɔmɛ a he ɔ si kɛ bli e munyu ɔ nya. Ke womi tɛtlɛɛ ɔmɛ ngɛ gbi nɛ nyɛ asafo ɔ tuɔ ɔ mi ɔ, e sa kaa e kɛ lɔɔ ɔmɛ nɛ tsu ní. Lɔɔ se ɔ, e bi fiɛɛli nɛ a tsɔɔ bɔnɛ a kɛ womi ɔ mi munyu ko (loo e mi munyuhi komɛ) ma tsu ní ha, konɛ nɔ tsuaa nɔ nɛ kadi blɔhi a nɔ nɛ e maa gu kɛ ha ngɛ fiɛɛmi mi. E sa nɛ e ha tue buli nɛ a tsɔɔ sanehi nɛ a ma bi kɛ tle nihi a bua jɔmi si kɛ ngmamihi nɛ a maa kane kɛ ha wetsɛmɛ ɔmɛ pe nɛ e maa fɔ tue buli nine nɛ a tsɔɔ blɔ nɔ nɛ a maa gu kɛ ha womi tɛtlɛɛ ɔmɛ. E ma ha nɛ a pee bɔnɛ a kɛ womi ɔ eko tsuaa eko ma ha ha a he peemi kɛ tsɔɔ kɛ mwɔ nya. A ngɛ wɔ he wami woe nɛ waa sɛ hlami nɛ waa kane womi tɛtlɛɛ ɔmɛ bɔnɛ pee nɛ ke wa ba kpe ɔ, wa nyɛ nɛ waa tsɔɔ munyuhi nɛ wa suɔ kaa wa kɛ ma tsu ní ɔ. Ke wa dla wa he saminya a, fã nɛ ɔ maa ye bua wɔ nɛ wa maa kase nile kɛ je wa sibi a ngɔ.—Abɛ 27:17.