Teokrase Sɔmɔmi Sukuu ɔ Mi Nylɔmi

Wa ma susu sane bimi nɛ ɔmɛ a he ngɛ Teokrase Sɔmɔmi Sukuu ɔ mi ngɛ otsi nɛ je sisi December 31, 2012. A ngma be nɛ a kɛ maa susu munyu ɔ eko tsuaa eko he ɔ kɛ piɛɛ sane bimi ɔ he konɛ ke daa otsi nyɛ ngɛ nyɛ he dlae kɛ ha sukuu ɔ, nyɛ nyɛ nɛ nyɛɛ pee níhi a mi hlami.

1. Mɛni blɔ nɔ nɛ gbami nɛ kɔɔ baalɛhi nɛ puɛɔ ní nɛ ngɛ Yoel 2:1-10, 28 ɔ he ɔ ba mi ngɛ? [Nov. 5, w07-E 10/1 bf. 13 kk. 1]

2.Mɛnɔmɛ a nɔ nɛ Amos 8:11 ɔ maa ba mi ngɛ, nɛ akɛnɛ wa ngɛ be nɛ mumi mi niye ní babauu ngɛ mi ɔ mi heje ɔ, mɛni sanehi e sa kaa wa bi wa he? [Nov. 12, jd-E bf. 60-61 kk. 9]

3.Mɛni ha nɛ eko ɔ, Edombi ɔmɛ ná he nɔ womi tsui ɔ, nɛ mɛni anɔkuale sane ko nɛ e sɛ kaa wa hɛ nɛ je nɔ kɔkɔɔkɔ? (Obad. 3, 4) [Nov. 19, w07-E 11/1 bf. 14 kk. 1]

4.Mɛni blɔ nɔ Yehowa pia e he ngɛ hɛ mi kpatami nɛ e de ke e kɛ maa ba Ninevebi ɔmɛ a nɔ ɔ he? (Yona 3:8, 10) [Nov. 19, w07-E 11/1 bf. 15 kk. 1]

5.Mɛni blɔ nɔ nɛ Mawu biɛ mi nɛ wa maa nyɛɛ ngɛ ɔ maa wo huɛ bɔmi nɛ ngɛ waa kɛ lɛ wa kpɛti ɔ mi he wami? (Mika 4:5) [Nov. 26, jd-E bf. 88 kk. 12]

6.Mɛni nɔ mi mami gbami nɛ ngɛ Nahum 2:6-10 a mi bami haa wa náa? [Dec. 3, w07-E 11/15 bf. 9 kk. 2; w88-E 2/15 bf. 28 kk. 7]

7.Mɛni ji munyu nɛ ngɛ Hagai 1:6 a sisi, nɛ mɛni e sa kaa waa kase kɛ je mi? [Dec. 10, w06-E 4/15 bf. 22 kk. 12-15]

8.Mɛni blɔ nɔ wa ma nyɛ maa ngɔ ga womi kpakpa nɛ ngɛ Zakaria 7:10 nɛ deɔ ke “nyɛ ko to nyɛ sibi a he ga yaya” ngɛ nyɛ tsui mi ɔ nɛ tsu ní ngɛ? [Dec. 17, jd-E bf. 113 kk. 6; w07-E 12/1 bf. 11 kk. 3]

9.Mɛni heje nɛ munyuhi nɛ ngɛ Zakaria 4:6, 7 ɔ woɔ Yehowa jali nɛ ngɛ mwɔnɛ ɔ a bua a? [Dec. 17, w07-E 12/1 bf. 11 kk. 1]

10.Ngɛ nɔ́ nɛ a ngma ngɛ Malaki 3:16 a nya a, mɛni heje nɛ e sɛ kaa wa haa nɛ wa juɛmi nya si nɛ wa ma kaa wa maa ya nɔ nɛ waa ye Mawu anɔkuale ɔ nya baa si kɔkɔɔkɔ ɔ? [Dec. 31, w07-E 12/15 bf. 29 kk. 3]