Adafi Fiami

◼ Womi nɛ a kɛ ma ha ngɛ February: Nyɛ ha nihi womiyo saisaa nɛ hɛɛ bafa 32 nɛ e maa hi kɛ nítsumi ngɛ nyɛ zugba kpɔ ɔ mi. Ke nyɛ kpale ya slaa nɔ ko ɔ, nyɛ ha lɛ Baiblo Tsɔɔmi womi ɔ, loo ke e maa hi ɔ, womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ, nɛ nyɛɛ bɔ mɔde nɛ nyɛɛ je Baiblo mi nikasemi sisi. March kɛ April: Hwɔɔmi Mɔ ɔ kɛ Awake! womi tɛtlɛɛ ɔmɛ. Ke nyɛ kpale ya slaa nɔ ko ɔ, nyɛ ha lɛ Baiblo Tsɔɔmi womi ɔ, loo ke e maa hi ɔ, womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ, nɛ nyɛɛ bɔ mɔde nɛ nyɛɛ je Baiblo mi nikasemi sisi. May: Nyɛɛ ngɔ dɛ womihi nɛ nyɛɛ se nɛ ɔmɛ nɛ nyɛ ngɛ eko ɔ kɛ tsu ní: Hɛ Nɔ Kami kɛ Ha Gbogboehi; Yesu Kristo—Mɛnɔ Ji Lɛ?; Le Anɔkuale ɔ; Si Himi Ngɛ Tue Mi Jɔmi Je He Ko Mi kɛ Who Really Rules the World? Ke nɔ ko je bua jɔmi kpo ɔ, nyɛɛ ngɔ Baiblo Tsɔɔmi womi ɔ loo womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ kɛ tsɔɔ lɛ bɔnɛ waa kɛ nihi kaseɔ Baiblo ɔ ha.

◼ A to Kaimi ɔ yemi he munyu tumi womi ɔ ehe he blɔ nya, nɛ e sa kaa nihi nɛ a maa tu Kaimi yemi he munyu ɔ nɛ a ngɔ kɛ tsu ní ngɛ 2013. Jeha nɛ ɔ, munyuyi ɔ ji: “Mo Ná Nɔ́ Nɛ Kristo Pee Ha Mo ɔ He Hɛsa!”

◼ Magbɛ nɔ munyu klɛdɛɛ nɛ a maa tu ngɛ jeha 2013 Kaimi ɔ yemi be ɔ mi ɔ yi ji, “Anɛ Ke Nɔ Gbo ɔ Kɛkɛ E Ta Lo?”

◼ Asafo nítsumi he kɔni ɔ bua jɔɔ níhi asi kpamihi nɛ jeɔ asafo ɔmɛ a mi ɔ he wawɛɛ. O ma nyɛ maa ngma o níhi asi kpami ɔ nɛ o kɛ ha sɔmɔmi ajla toli ɔmɛ nɛ a ngɛ o we asafo ɔ mi ɔ nɛ a kɛ mane wɔ amlɔ nɔuu.