Adafi Fiami

◼ Womi nɛ a kɛ ma ha ngɛ April: Hwɔɔmi Mɔ ɔ kɛ Awake! womi tɛtlɛɛ ɔmɛ. Ke nyɛ kpale ya slaa nɔ ko ɔ, nyɛɛ kɛ Baiblo Tsɔɔmi womi ɔ nɛ ha lɛ, aloo nyɛɛ ngɔ Bu Mawu Tue loo Bu Mawu Tue Nɛ́ O Hi Si Kɛ Ya Neneene womiyo ɔ eko nɛ maa hi ha nɔ ɔ kɛ ha lɛ, nɛ nyɛɛ bɔ mɔde nɛ nyɛɛ kɛ lɛ nɛ je Baiblo mi nikasemi sisi. May kɛ June: Nyɛɛ ngɔ dɛ womihi nɛ hi kɛ ní tsumi ngɛ nyɛ zugba kpɔ ɔ mi, nɛ eko ngɛ ɔ a kpɛti kake kɛ tsu ní. Ke nɔ ko je bua jɔmi kpo ɔ, nyɛɛ ngɔ Baiblo Tsɔɔmi womi ɔ loo womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ kɛ tsɔɔ lɛ bɔnɛ waa kɛ nihi kaseɔ Baiblo ɔ ha. July: Sane Kpakpa Nɛ Je Mawu Ngɔ! loo womiyohi nɛ ji, Bu Mawu Tue loo Bu Mawu Tue Nɛ́ O Hi Si Kɛ Ya Neneene ɔ.

◼ Nyɛ ma nyɛ maa pee tsakemi ngɛ otsi nɛ maa sɛ kpe ɔ hlami ɔ blɔ nya tomi ɔ he konɛ nyɛɛ nylɔ ga womi kɛ kaimihi nɛ nyɛ susu he ngɛ April 22 otsi ɔ mi ɔ mi. Ke nyɛ ya kpe ɔ nyɔhiɔ kake loo enyɔ se ɔ, nyɛ ma nyɛ maa ngɔ asafo ɔ hiami níhi blɔ he ɔ kɛ susu oti komɛ nɛ fiɛɛli na kaa e ye bua mɛ ngɛ a fiɛɛmi nítsumi ɔ mi ɔ he.

◼ Ke o suɔ nɛ o maa ya kpe ngua a ngɛ ma se ɔ, o maa na munyuhi nɛ maa ye bua mo ngɛ www.pr2711.com Internet nítsumi he ɔ nɔ. Moo ya “About Us” nɛ o bli “Conventions.”