Mɛni O Maa Pee Ngɛ He Jɔɔmi Behi A Mi?

Akɛnɛ nihi fuu yɛ nítsumi ngɛ jami kɛ ma he jɔɔmi behi a mi heje ɔ, a ji behi nɛ sa nɛ wa ma nyɛ maa ya fiɛɛmi. A ngɛ asafohi he wami woe nɛ a to blɔ nya klɛdɛɛ kɛ ha odase yemi ngɛ he jɔɔmi behi a mi. Ke nihi fuu nɛ ngɛ zugba kpɔ ɔ mi ɔ be si tee mla a, lɛɛ e maa hi kaa wa ma tsake be nɛ waa kɛ maa pee fiɛɛmi yami kpe ɔ. Ke a to blɔ nya klɛdɛɛ kɛ ha fiɛɛmi ngɛ he jɔɔmi be ko nɔ ɔ, eko ɔ, a maa fia he adafi ngɛ Sɔmɔmi Kpe ɔ mi, nɛ a wo nihi tsuo nɛ a ma nyɛ maa ngɔ a he kɛ wo mi ɔ he wami. E ji anɔkuale kaa he jɔɔmi behi haa nɛ wa náa be kɛ jɔɔ wa he, nɛ wa tsuɔ wɔ nitsɛmɛ wa ní kpahi. Se mɛni heje nɛ wa tui blɔ nya konɛ waa kɛ be ɔ eko nɛ ya fiɛɛmi? Ke wa pee jã a, wa ma ná he jɔmi nɛ jeɔ sɔmɔmi klɔuu nɛ a kɛ he woɔ mi ɔ mi kɛ ba a eko.—Mat. 11:29, 30.