Adafi Fiami

◼ Womi nɛ a kɛ ma ha ngɛ October: Hwɔɔmi Mɔ ɔ kɛ Awake! womi tɛtlɛɛ ɔmɛ. November kɛ December: Mɛni Tutuutu Ji Baiblo ɔ Tsɔɔmi? loo dɛ womi nɛ nyɛɛ se ɔ kake: Kɛ O Buu Baiblo ɔ Ha Kɛɛ? (T-30), Mɛni O Susu Kaa E Maa Ba Hwɔɔ Se? (T-31), Mɛni Ji Nɔ́ Titli Nɛ Kɛ Bua Jɔmi Baa Weku Mi? (T-32), Mɛnɔ Tutuutu Nɛ E Ngɛ Je ɔ Kudɔe? (T-33), Anɛ Nɔ́ Nami Se Maa Po Ligbi Ko Lo? (T-34), Mɛni Ji Mawu Matsɛ Yemi ɔ? (T-36). January: Sane Kpakpa Nɛ Je Mawu Ngɔ!, Bu Mawu Tue, loo Bu Mawu Tue Nɛ́ O Hi Si Kɛ Ya Neneene.

◼ Wa ngɛ nyɛ kaie kaa, daa jeha a, e sa nɛ asafo mi nikɔtɔma amɛ nɛ a ngɔ be nɛ nyɛɛ kɛ susuɔ asafo ɔ mi hiami níhi a he ngɛ Sɔmɔmi Kpe ɔ mi ɔ eko kɛ susu otihi nɛ ngɛ sɛ womi nɛ a ngma kɛ ya ha asafohi tsuo ngɛ January 6, 2012, nɛ kɔɔ wa he nɛ wa ma dla kɛ to oslaahi nɛ maa ba, kɛ bɔ nɛ wa ma tsu he ní ha he ɔ he.

◼ Nyɛɛ pee tsakemi ngɛ otsi nɛ maa sɛ kpokpa nɔ kpe ɔ hlami ɔ blɔ nya tomi ɔ he, konɛ nyɛɛ hyɛ “Kpokpa Nɔ Kpe He Kaimihi” video ɔ. Nyɛ nylɔ ga womihi nɛ ngɛ video ɔ mi ɔ, kɛ sɛ womi nɛ a ngma ngɛ August 3, 2013 kɛ ya ha asafohi tsuo nɛ kɔɔ wa he nɔ nɛ wa maa hyɛ saminya ke wa ya kpehi he ɔ mi. Ke nyɛ ya kpe ɔ nyɔhiɔ kake loo enyɔ se ɔ, nyɛ ma nyɛ maa ngɔ asafo ɔ mi hiami níhi blɔ he ɔ kɛ susu oti komɛ nɛ fiɛɛli na kaa e maa ye bua mɛ ngɛ a fiɛɛmi ní tsumi ɔ mi ɔ he.