“Wa He Nɛ Maa Be Ngɛ Fiɛɛmi Ní Tsumi ɔ Mi—Bɔ Nɛ Waa Kɛ ‘Mawu Suɔmi’ Womi ɔ Ma Tsu Ní Ha Nɛ́ Munyu ɔ Maa Sɛ Nihi A Tsui Mi”

NƆ́ HE JE NƐ E HE HIA: Loko nɔ ko ma nyɛ ma ja Yehowa nɛ e maa sa Yehowa hɛ mi ɔ, ja e kase Yehowa mlaa amɛ nɛ e kɛ tsu ní ngɛ e si himi mi. (Yes 2:3, 4) “Mawu Suɔmi” womi ɔ ji womi enyɔne nɛ waa kɛ Baiblo mi ní kaseli kaseɔ. Enɛ ɔ yeɔ bua mɛ nɛ a yɔseɔ Baiblo sisi tomi mlaahi nɛ a kɛ ma tsu ní ngɛ a si himi mi. (Heb 5:14) Ke waa kɛ mɛ ngɛ womi nɛ ɔ kasee ɔ, e sa nɛ waa bɔ mɔde nɛ wa ha nɛ munyu ɔ nɛ sɛ a tsui mi, konɛ a nyɛ nɛ a pee tsakemihi.—Rom 6:17.

BLƆ NƆ NƐ O MAA GU KƐ PEE:

• Mo susu si fɔfɔɛ mi nɛ ní kaselɔ ɔ ngɛ ɔ he, nɛ o da lɔ ɔ nɔ kɛ dla o he saminya. Mo bi lɛ sanehi nɛ ma ha nɛ o maa le nɔ́ nɛ ngɛ e tsui mi.​—Abɛ 20:5; be-E 259

• O kɛ lɛ nɛ susu dakahi nɛ ngɛ womi ɔ mi ɔ tsuo a he. Enɛ ɔ maa ye bua ní kaselɔ ɔ nɛ e maa na kaa ke e kɛ Baiblo sisi tomi mlaahi tsu ní ɔ, e ma ná he se

• Ke e he hia kaa ní kaselɔ ɔ nɛ da e he nile nɔ kɛ mwɔ yi mi kpɔ ngɛ nɔ́ ko he ɔ, moo ye bua lɛ konɛ e susu níhi a he saminya, se koo mwɔ yi mi kpɔ ha lɛ.—Gal 6:5

• Ke o na kaa e he hia nɛ o ye bua ní kaselɔ ɔ konɛ e ngɔ Baiblo sisi tomi mlaa ko kɛ tsu ní ɔ, moo gu ga blɔ nɔ kɛ pee jã. Moo ye bua lɛ konɛ e na kaa ke e suɔ Yehowa a, lɛɛ e he hia nɛ e pee tsakemi komɛ.​—Abɛ 27:11; Yoh 14:31