“Buu O Tsɛ Kɛ O Nyɛ”

Benɛ Yesu ba zugba a nɔ ɔ, e ma fami nɛ ji: “Buu o tsɛ kɛ o nyɛ” ɔ nɔ mi. (2Mo 20:12; Mat 15:4) Benɛ Yesu ji niheyo ɔ, “e ya nɔ nɛ e bu” e fɔli tue, enɛ ɔ ha nɛ e nyɛ nɛ e kɛ nihi tu munyu faa nɛ e he nile bui lɛ fɔ. (Luk 2:51, sisi ningma) Benɛ e wa a, e to blɔ nya konɛ ke e gbo ɔ, a hyɛ e yayo nɔ.​—Yo 19:26, 27.

Mwɔnɛ hu ɔ, nihewi kɛ yihewi nɛ a ji Kristofohi, nɛ a buɔ a fɔli, nɛ a kɛ mɛ tuɔ munyu ngɛ blɔ nɛ da nɔ ɔ tsɔɔ kaa a ngɛ bumi kɛ ha mɛ. Ngɛ anɔkuale mi ɔ, fami nɛ a fã wɔ kaa waa bu wa fɔli ɔ be bi. Ke wa fɔli ɔmɛ ba bwɔ po ɔ, e sa nɛ waa ya nɔ nɛ waa bu mɛ kɛ gu a ga womi nɛ waa kɛ ma tsu ní ɔ nɔ. (Abɛ 23:22) Ke wa haa wa fɔli nɛ a bwɔ ɔ, a he lo nya hiami níhi, nɛ wa jeɔ suɔmi kpo kɛ tsɔɔ mɛ ɔ, lɔ ɔ hu tsɔɔ kaa wa buɔ mɛ. (1Ti 5:8) Wa wa jio, wa wɛ jio, e he hia nɛ waa kɛ wa fɔli nɛ sɛɛ ní saminya kɛ tsɔɔ kaa wa ngɛ bumi kɛ ha mɛ.

NYƐƐ HYƐ VIDEO NƐ JI, MƐNI BLƆ NƆ MA NYƐ MA GU KONƐ I KƐ YE FƆLI NƐ SƐƐ NÍ? LƆ Ɔ SE Ɔ, NYƐ HA SANE BIMI NƐ ƆMƐ A HETO:

• Mɛni he je nɛ eko ɔ, e he maa wa ha mo kaa o kɛ o fɔli maa sɛɛ ní ɔ?

• Ke o kɛ o fɔli ngɛ ní sɛɛe ɔ, kɛ o ma plɛ kɛ tsɔɔ kaa o buɔ mɛ kɛɛ?

  

• Mɛni he je nɛ e he hia kaa o bɔ mɔde nɛ o kɛ o fɔli nɛ sɛɛ ní ɔ? (Abɛ 15:22)