Okpɔngɔ Nɔ Hili Eywiɛ Ɔmɛ

Yesu nɛ e hii si ngɛ okpɔngɔ futaa ko nɔ kɛ e dɛ mi kɛ̃ɛ̃; okpɔngɔ tsutsuutsu ko, okpɔngɔ yumu ko, kɛ okpɔngɔ lazulazu ko nyɛɛ e se

Yesu “je kpo nɛ e ngɛ kunimi yee” kɛ gu Satan kɛ e daimonio ɔmɛ nɛ e kɛ mɛ hwu ta ngɛ hiɔwe, nɛ e fiee mɛ kɛ ba zugba a nɔ ɔ nɔ. Loloolo ɔ, Yesu ngɛ kunimi yee ha e se nyɛɛli ɔmɛ kɛ gu yemi kɛ buami nɛ e kɛ haa mɛ, kɛ a he piɛ nɛ e poɔ ngɛ nyagbe ligbi nɛ ɔmɛ a mi ɔ nɔ. Yesu “maa gbe e kunimi yemi ɔ nya” be mi nɛ e maa po ní nɛ okpɔngɔ nɔ hili etɛ ɔmɛ ngɛ tsue ɔ se ngɛ Harmagedon ta a mi ɔ, nɛ lɔ ɔ se ɔ, e ma dla níhi nɛ a puɛ ɔ tsuo.