JUETLI NƐ NGƐ MAWU MUNYU Ɔ MI | 2 MOSE 10-11

Mose Kɛ Aaron Pee Kã Wawɛɛ

10:3-6, 24-26, 28; 11:4-8

Mose kɛ Aaron pee kã wawɛɛ nitsɛ benɛ a kɛ Farao, nɔ nɛ e nɔ kuɔ wawɛɛ ngɛ je ɔ mi ngɛ jamɛ a be ɔ mi ɔ ngɛ munyu tue ɔ. Mɛni lɛ ye bua mɛ nɛ a pee kã? Baiblo ɔ de ngɛ Mose he ke: “Hemi kɛ yemi lɛ ha nɛ e je Ijipt ɔ nɛ, se e yi matsɛ ɔ mi mi fumi ɔ gbeye, ejakaa e ya nɔ nɛ e fĩ si kaa nɔ́ nɛ e ngɛ Nɔ nɛ a nɛ lɛ kɛ hɛ ngmɛ ɔ hyɛe.” (Heb 11:27) Mose kɛ Aaron ná hemi kɛ yemi nɛ mi wa ngɛ Yehowa mi, nɛ a ngɔ a hɛ kɛ fɔ e nɔ.

Mɛni si fɔfɔɛhi a mi lɛ e ma bi nɛ́ o kɛ kã nɛ fã o hemi kɛ yemi ɔ he kɛ tsɔɔ nɔ ko nɛ hɛɛ blɔ nya a?

Foto: Si fɔfɔɛhi a mi nɛ e ma bi nɛ waa pee kã. 1. Nyumuyo ko ngɛ sukuu nɛ e daa si dii be mi nɛ ni kpa amɛ ngɛ aflangaa ngae. 2. Nyɛminyumu ko nɛ e daa si ngɛ kojoli a hɛ mi. 3. Nyɛminyumu wayoo ko nɛ e ngɛ wetsɛ ko dɛ womi hae ngɛ fiɛɛmi mi be mi nɛ polisi ko ngɛ a se ngɛ mɛ hyɛe.