Nɔ́ Nɛ Tsɔɔ Kaa Yehowa Jɔɔ E We Bi

8:6-9, 12; 9:1-5, 23, 24

Benɛ a wo Aaron kɛ e bimɛ ɔmɛ osɔfo ɔ, Yehowa ha nɛ la ba sã a kekleekle sami afɔle ɔ. Yehowa pee enɛ ɔ kɛ tsɔɔ kaa e fĩ blɔ nya tomi nɛ ɔ se, nɛ e kplɛɛ nɔ. Enɛ ɔ he ɔ, Yehowa wo Israel bi nɛ a bua a he nya ngɛ lejɛ ɔ nɛ́ a na nɔ́ nɛ ya nɔ ɔ he wami konɛ a fĩ osɔfo yemi blɔ nya tomi ɔ se kɛ a tsui tsuo. Mwɔnɛ ɔ, Yehowa ngɔ Yesu Kristo nɛ a wo e hɛ mi nyami ɔ kɛ ngɛ ní tsue kaa Osɔfo Nɔkɔtɔma pe kulaa. (Heb 9:11, 12) Ngɛ jeha 1919 ɔ mi ɔ, Yesu hla nihi nɛ a pɔ mɛ nu ɔ a kpɛti nihi bɔɔ ko kaa “tsɔlɔ anɔkualetsɛ kɛ ní lelɔ.” (Mat 24:45) Mɛni odase nɛ tsɔɔ kaa Yehowa fĩ tsɔlɔ anɔkualetsɛ ɔ se, e kplɛɛ e nɔ, nɛ e ngɛ lɛ jɔɔe?

• E ngɛ mi kaa nihi kpa we tsɔlɔ anɔkualetsɛ ɔ yi mi wami mohu lɛɛ, se e yaa nɔ nɛ e haa wɔ níhi nɛ ma ha nɛ wa hemi kɛ yemi ɔ mi maa wa

• Kaa bɔ nɛ a gba kɛ fɔ si ɔ, a ngɛ sane kpakpa a fiɛɛe ngɛ “zugba a nɔ hehi tsuo.”​—Mat 24:14

Mɛni wa ma nyɛ maa pee kɛ tsɔɔ kaa wa fĩ tsɔlɔ anɔkualetsɛ kɛ ní lelɔ ɔ se kpɛii?