Kpehi Nɛ Wa Peeɔ Daa Jeha a Ji He Blɔ Nɛ Wa Náa Kɛ Jeɔ Suɔmi Kpo

Mɛni he je nɛ wa bua jɔɔ kpehi nɛ wa peeɔ daa jeha a he ɔ? Kaa bɔ nɛ e ji ngɛ blema Israel ɔ, kpehi nɛ wa peeɔ ngɛ wa be nɛ ɔ mi ɔ hu haa nɛ wa náa he blɔ nɛ waa kɛ wa nyɛmimɛ akpehi abɔ blaa kɛ jaa Yehowa. Wa bua jɔɔ mumi mi niye ní kpakpahi nɛ wa nine suɔ nɔ, kɛ be klɛdɛɛ nɛ wa náa kɛ haa wa huɛmɛ kɛ wa weku li ɔ he. Bua jɔmi nɛ kpe nɛ ɔmɛ haa nɛ wa náa haa nɛ wa suɔ kaa wa maa ya ligbi etɛ ɔ tsuo.

Ke wa ná he blɔ nɛ́ waa kɛ wa nyɛmimɛ ma bua wa he nya a, e sɛ nɛ wa susu nɔ́ nɛ wɔ pɛ wa ma náa he, se e sa nɛ wa susu bɔ nɛ wa ma plɛ kɛ je suɔmi kpo ha a he. (Gal 6:10; Heb 10:24, 25) Ke wa pɛtɛ kpe peemi asa a sinya a he ha nɔ ko konɛ e nyɛ nɛ e sɛ mi, aloo wa nu sɛ nɛ e he maa hia wɔ ɔ pɛ ɔ, lɔ ɔ tsɔɔ kaa wa foɔ ni kpahi a nɔ́ mi. (Flp 2:3, 4) Kpehi nɛ wa yaa a haa nɛ wa náa he blɔ kɛ peeɔ huɛmɛ ehehi. Loko a maa je kpe ɔ sisi kɛ benɛ a gbe kpe ɔ nya, aloo be nɛ wa ngɛ wa he jɔɔe ɔ, waa kɛ ma nyɛ maa pee oti kaa waa kɛ nɔ ko nɛ wa li lɛ maa sɛɛ ní. (2Ko 6:13) Huɛmɛ nɛ wa náa ngɛ kpe nɛ ɔmɛ a sisi ɔ ma nyɛ maa hi si kɛ ya daa! Nɔ́ nɛ pe kulaa a, ke nihi na bɔ nɛ wa jeɔ suɔmi nitsɛnitsɛ kpo ha a, lɔ ɔ ma nyɛ ma ha nɛ a mwɔ a yi mi kpɔ kaa a maa piɛɛ wa he kɛ sɔmɔ Yehowa.​—Yo 13:35.

NYƐƐ HYƐ VIDEO NƐ JI, “SUƆMI SE PUI GBLEGBLEEGBLE”! MAHI A KPƐTI KPEHI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Benɛ a pee jeha 2019 mahi a kpɛti kpe ɔ, mɛni blɔ nɔ a gu kɛ je suɔmi kpo kɛ tsɔɔ nyɛmimɛ nɛ a je ma se kɛ ba a?

• 

  Mɛni he je nɛ suɔmi kɛ kake peemi nɛ́ ngɛ Yehowa we bi a kpɛti ɔ sa kadimi wawɛɛ ɔ?

• 

  Mɛni munyu slɔɔtohi nɛ Blɔ Tsɔɔmi Ajla Toli ɔmɛ tu kɛ kɔ suɔmi he?

• 

  Ngɛ mɛni blɔ nɔ nɛ suɔmi nitsɛnitsɛ pee wa nyɛmimɛ kake ngɛ Germany kɛ South Korea?

• Mɛni e sa kaa waa fia wa pɛɛ si kaa wa maa pee?