O Kɛ Nile Nɛ Hla Nihi Nɛ O Kɛ Mɛ Maa Pee Huɛ

Nɔ́ nɛ ba Israel bi ɔmɛ a nɔ ngɛ Moab nga a nɔ ɔ ji kɔkɔ bɔmi kɛ ha Kristofohi. (1Ko 10:6, 8, 11) Moab yihi nɛ a bua jɔ ajuama bɔmi he nɛ a jaa wɔ nɛ Israel bi ɔmɛ kɛ mɛ bɔni bɔmi ɔ ná a nɔ he wami, nɛ lɔ ɔ ha nɛ a pee yayami nɛ hɛdɔ ngɛ he, nɛ enɛ ɔ ngɔ haomi nɛ nya wa kɛ ba a nɔ. (4Mo 25:9) Nihi ngɛ nɛ waa kɛ mɛ yaa sukuu, wa ní tsuli, wa kpɔ mi bi, wa weku li, kɛ ni kpahi nɛ wa le mɛ nɛ a ja we Yehowa. Mɛni wa ma nyɛ maa kase ngɛ Baiblo mi sane nɛ ɔ mi konɛ waa na oslaa nɛ ngɛ he kaa waa kɛ nihi nɛ a ja we Yehowa a maa bɔ ɔ?

NYƐƐ HYƐ VIDEO NƐ JI, KƆKƆ BƆMI NƐ NGƐ KƐ HA WƆ MWƆNƐ Ɔ​—FÃ KO, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Mɛni susumi nɛ dɛ nɛ Zimri kɛ ni kpa komɛ ná ngɛ Yamin he?

• 

  Kɛ Finehas ye bua Yamin ha kɛɛ konɛ e ná juɛmi nɛ da ngɛ níhi a he?

• Mɛni slɔɔto lɛ ngɛ huɛ bɔmi su kpo nɛ wa ma je kɛ tsɔɔ nɔ ko nɛ e sɔmɔ we Yehowa, kɛ huɛ nɛ waa kɛ nɔ ɔ maa pee ɔ a kpɛti?

• Mɛni he je nɛ ke wa maa hla nihi ngɛ asafo ɔ mi po nɛ waa kɛ mɛ maa bɔ huɛ ɔ, e sa nɛ waa hyɛ saminya a?

• Mɛni he je nɛ e sɛ nɛ waa kɛ nihi nɛ wa li mɛ nɛ sɛɛ ní ngɛ kuuhi a mi ngɛ intanɛti nɔ huɛ bɔmi hehi ɔ?