Nihewi Kɛ Yihewi​—Nyɛɛ Je Nyɛ Tsui Mi Nɛ Nyɛɛ Kɛ Nyɛ Fɔli Ɔmɛ Nɛ Sɛɛ Ní

Mɛni he je nɛ e sa nɛ o kɛ o fɔli ɔmɛ nɛ sɛɛ níhi nɛ o susuɔ ɔ he ɔ a he ní faa? (Abɛ 23:26) Ejakaa Yehowa ngɔ blɔ nya ní tsumi kɛ wo a dɛ kaa a hyɛ o nɔ nɛ a po o he piɛ. (La 127:3, 4) Ke nyɛ ngɔ níhi nɛ haoɔ nyɛ ɔ kɛ laa nyɛ fɔli ɔmɛ ɔ, a be nyɛe maa ye bua nyɛ. Jehanɛ hu nyɛ be níhi a si kpamihi nɛ a ná ngɛ a si himi mi ɔ he se náe. Anɛ tɔmi ko ngɛ he kaa nyɛ be hae nɛ a le ní komɛ nɛ nyɛ susuɔ ɔ lo? Pi be fɛɛ be nɛ jã peemi ji tɔmi, se nyɛɛ hyɛ nɛ hi nɛ nyɛ ko sisi nyɛ fɔli ɔmɛ nɛ a he nɔ́ ko nɛ pi anɔkuale ɔ nɛ a ye.​—Abɛ 3:32.

Mɛni blɔ nɔ o ma nyɛ maa gu nɛ o kɛ o fɔli ɔmɛ nɛ sɛɛ ní? Mo hla be nɛ maa hi ha o kɛ o fɔli ɔmɛ tsuo. Ke enɛ ɔ peemi maa ye ɔ, o ma nyɛ maa ngma a ti nɔ kake sɛ womi konɛ o de lɛ níhi nɛ ngɛ o nya gbae ɔ. Nɛ ke a suɔ nɛ a kɛ mo nɛ sɛɛ nɔ́ ko nɛ o bua jɔɛ he kaa o kɛ mɛ maa sɛɛ he ní ɔ hu nɛɛ? Mo kai kaa a suɔ nɛ a ye bua mo. Moo na o fɔli ɔmɛ kaa o huɛmɛ, se pi o he nyɛli. Ke o bɔ mɔde nɛ o kɛ o fɔli ɔmɛ sɛɛ níhi nɛ ngɛ o tsui mi ɔ he ní faa a, o ma ná he se ngɛ o si himi mi kɛ maa ya neneene!​—Abɛ 4:10-12.

NYƐƐ HYƐ VIDEO NƐ JI, NIHE KƐ YIHE BE MI​—KƐ I KƐ YE FƆLI MAA SƐƐ NÍ HA KƐƐ? LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Mɛni nɛ Esther kɛ Partik ba yɔse ngɛ mɛ nitsɛmɛ a he?

• 

  Mɛni o ma nyɛ maa kase ngɛ Yesu nɔ hyɛmi nɔ́ ɔ mi?

• 

  Mɛni o fɔli ɔmɛ pee kɛ tsɔɔ kaa a susuɔ o he?

• 

  Mɛni Baiblo sisi tomi mlaa komɛ lɛ ma nyɛ maa ye bua mo konɛ o kɛ o fɔli ɔmɛ nɛ sɛɛ ní?