KRISTOFOHI A SI HIMI
Moo Ye O We Akɔnɔhi A Nɔ
Akɛnɛ wa ji adesahi nɛ wa yi mluku he je ɔ, e sa nɛ waa ya nɔ nɛ waa ye wa we akɔnɔhi a nɔ be fɛɛ be. Ke wa pee we jã a, wa ma nyɛ maa ya pee níhi nɛ ma ha nɛ Yehowa bua be wa he jɔe. Kaa nɔ hyɛmi nɔ́ ɔ, ni komɛ suɔ niye ní, tadehi, kɛ wehi wawɛɛ pe bɔ nɛ a suɔ Mawu. Ni kpahi kɛ Mawu mlaahi tsu we ní nɛ a kɛ a he woɔ bɔmi nami mi. (Ro 1:26, 27) Ni komɛ hu haa nɛ a juami bi nyɛɔ a nɔ nɛ a peeɔ níhi nɛ sɛ konɛ a kɛ sa a hɛ mi loo a kɛ ha nɛ a bua nɛ jɔ a he.—2Mo 23:2.
Mɛni blɔ nɔ wa ma nyɛ maa gu konɛ waa ye wa we akɔnɔhi a nɔ? E sa nɛ waa bɔ mɔde nɛ waa ngɔ mumi mi níhi kɛ pee oti ngɛ wa si himi mi. (Mat 4:4) Jehanɛ hu ɔ, e sa nɛ waa sɔle nɛ wa bi Yehowa nɛ e ye bua wɔ konɛ waa ye wa he nɔ. Mɛni he je? Ejakaa e le níhi nɛ maa hi ha wɔ nɛ e le blɔ nɔ nɛ e maa gu kɛ ha wɔ níhi nɛ wa suɔ ɔmɛ.—La 145:16.
NYƐƐ HYƐ VIDEO NƐ JI, KO HA NƐ SIGALETI NUMI NƐ KPATA O HƐ MI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
Mɛni he je nɛ ni komɛ nuɔ sigaleti ɔ?
Mɛni sigaleti numi ma nyɛ maa pee mo?
Mɛni he je nɛ sigaleti kɛ e he nɔhi a numi hí ɔ?—2Ko 7:1
O ma nyɛ maa ye o he nɔ nɛ́ o kua sigaleti numi!
Mɛni o ma nyɛ maa pee konɛ o kua sigaleti loo o kpa e numi kulaa a?