JANUARY 22-28

JUETLI NƐ NGƐ MAWU MUNYU Ɔ MI

1. Anɛ O Heɔ Be Kɛ Susuɔ Adebɔ Níhi A He Lo?

(Hɛngm. 10)

Benɛ Yehowa bɔ je ɔ, e he be kɛ susu níhi nɛ e bɔ ɔmɛ a he (1Mo 1:10, 12; Hio 38:5, 6; w21.08 9 ¶7)

Bɔfo ɔmɛ he be kɛ susu Yehowa ní bɔ ní ɔmɛ a he (Hio 38:7; w20.08 14 ¶2)

Ke wa he be kɛ susu Yehowa ní bɔ ní ɔmɛ a he ɔ, lɔ ɔ ma ha nɛ hemi kɛ yemi nɛ wa ngɛ ngɛ e mi ɔ mi maa wa (Hio 38:32-35; w23.03 17 ¶8)

Yo ko kɛ e biyo wayoo ko nɛ a kɛ bua jɔmi ngɛ kutu ko hyɛe ngɛ a we ɔ se.

2. Ngmami ɔ Mi Junehi

(Hɛngm. 10)

Hio 38:8-10—Mɛni nɛ ngmami nɛ ɔmɛ tsɔɔ wɔ ngɛ Yehowa he kaa mlaa wolɔ? (mwbr24.01 bf. 6 kk. 1, 2)

O heto
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?

O heto

3. Baiblo Kanemi

(Hɛngm. 4) Hio 39:1-22 (th ní kasemi 5)

MOO BƆ FIƐƐMI NÍ TSUMI Ɔ HE MƆDE

4. Bɔ Nɛ O Maa Je Ní Sɛɛmi Sisi Ha

(Hɛngm. 2) ODASE NƐ A YEƆ BE MI NƐ A BE FIƐƐMI TSO MI. Ke o yɔse kaa nɔ ɔ sume nɛ e kɛ mo nɛ sɛɛ ní ɔ, moo je lejɛ ɔ ngɛ tue mi jɔmi mi. (lmd ní kasemi 2 oti 3)

5. Kpale Ya Slaa Nihi Nɛ A Bua Jɔ Munyu ɔ He

(Hɛngm. 5) WEHI A MI FIƐƐMI. Ngɛ ní sɛɛmi nɛ sɛ hlami ɔ mi ɔ, nɔ ɔ de mo kaa e suɔlɔ ko gbo kɛ we. (lmd ní kasemi 9 oti 3)

6. Munyu Tumi

(Hɛngm. 5) lmd mi tsɔɔmi munyu (A) oti 1—Munyuyi: Bɔ Nɛ Nihi Ngɛ A Ní Pee Ha Mwɔnɛ Kɛ Bɔ Nɛ Níhi Ngɛ Nɔ Yae Ha a Tsɔɔ Kaa E Be Kɛe Nɛ Tsakemi Maa Ba. (th ní kasemi 16)

KRISTOFOHI A SI HIMI

7. Adebɔ Níhi A He Nɛ Wa Ma Susu ɔ Maa Ye Bua Wɔ Nɛ Waa Kɛ Wa Juɛmi Maa Ma Níhi Nɛ A He Hia Wawɛɛ ɔ A Nɔ

(Hɛngm. 15) Ní Sɛɛmi.

Hiob nɛ ngɛ e yi mi tɛ pue ngɛ lohwe slɔɔtoslɔɔtohi nɛ Yehowa bɔ nɛ a he ngɛ nyakpɛ ɔ he. Lohwe nɛ ɔmɛ ekomɛ ji, pa mi suɔ, pu mi klakumi, duguma, nyaka, kɔle, okpɔngɔ, kɛ pu mi na. Ahumi ngua ko ngɛ fiae, nɛ Elihu kɛ Hiob huɛmɛ etɛ ɔmɛ nɛ a ji lakpa bua woli ɔmɛ hii si ngɛ Hiob kasa nya.

Benɛ Satan kɛ Hiob huɛmɛ etɛ ɔmɛ po e nya nɛ a kɛ lɛ yi saminya a, e hao lɛ wawɛɛ.

Kane Hiob 37:14. Lɔ ɔ se ɔ, mo bi tue buli ɔmɛ ke:

Mɛni e sa nɛ Hiob nɛ e pee konɛ e nyɛ nɛ e na níhi kaa bɔ nɛ Yehowa na a mɛ ɔ?

O heto

Ke haomihi ha nɛ wa pee gbedee ɔ, adebɔ níhi nɛ wa ma susu he ɔ maa ye bua wɔ konɛ wa kai kaa Yehowa ngɛ he wami, nɛ e maa wo suɔmi nɛ wa ngɛ kaa wa maa ya nɔ maa ye lɛ anɔkuale ɔ mi he wami, nɛ wa ma ná hemi kɛ yemi ngɛ e mi kaa e maa hyɛ wa nɔ. —Mat 6:26.

Je VIDEO nɛ ji, Níhi Nɛ Hiob Womi ɔ Ma Nyɛ Maa Tsɔɔ Wɔ—Ngɛ Lohwehi A He. Lɔ ɔ se ɔ, mo bi tue buli ɔmɛ ke:

Kɛ video nɛ ɔ wo hemi kɛ yemi nɛ o ngɛ ngɛ Yehowa mi ɔ mi he wami ha kɛɛ?

O heto

8. Asafo Baiblo Mi Ní Kasemi

(Hɛngm. 30) bt yi 4 ¶13-20