FEBRUARY 19-25
LA 8-10
La 2 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. “Yehowa, Ma Je O Yi”!
(Hɛngm. 10)
Kpakpa nɛ Yehowa peeɔ ha wɔ ɔ ngɛ slɔɔto kulaa (La 8:3-6; w21.08 3 ¶6)
Wa jeɔ Yehowa yi kɛ gu nyakpɛ níhi nɛ e pee nɛ waa kɛ ni kpahi sɛɛɔ he ní ɔ nɔ (La 9:1; w20.05 23 ¶10)
Jehanɛ se hu, wa jeɔ Yehowa yi kɛ gu wa tsui mi tsuo nɛ wa jeɔ kɛ la a ha lɛ ɔ nɔ (La 9:2; w22.04 7 ¶13)
MO BI O HE KE, ‘Mɛni blɔ kpahi a nɔ ma nyɛ ma gu kɛ je Yehowa yi?’
2. Ngmami ɔ Mi Junehi
(Hɛngm. 10)
La 8:3—Mɛni nɛ la polɔ ɔ ngɛ tsɔɔe benɛ e tu Mawu nine ɔ he munyu ɔ? (mwbr24.01 bf. 11 kk. 2)
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) La 10:1-18 (th ní kasemi 11)
4. Bɔ Nɛ O Maa Je Ní Sɛɛmi Sisi Ha
(Hɛngm. 3) WEHI A MI FIƐƐMI. Wetsɛ ɔ de mo kaa e he we Mawu yi. (lmd ní kasemi 5 oti 4)
5. Kpale Ya Slaa Nihi Nɛ A Bua Jɔ Munyu ɔ He
(Hɛngm. 4) ODASE NƐ A YEƆ BE MI NƐ A BE FIƐƐMI TSO MI. Ngɛ ní sɛɛmi nɛ sɛ hlami ɔ mi ɔ, nɔ ɔ de mo kaa e he we Mawu yi, se e maa suɔ nɛ e le odasehi nɛ tsɔɔ kaa Bɔlɔ ko ngɛ. (th ní kasemi 7)
6. Munyu Tumi
(Hɛngm. 5) w21.06 6-7 ¶15-18—Munyuyi: Moo ye bua o Baiblo kaselɔ ɔ nɛ e je Yehowa yi. (th ní kasemi 10)
La 10
7. Bɔ Nɛ O Ma Plɛ Kɛ Ye Nɔ Ko Odase Be Mi Nɛ O Be Fiɛɛmi Tso Mi
(Hɛngm. 10) Ní Sɛɛmi.
Blɔ kake nɔ nɛ wa ma nyɛ maa gu kɛ je Yehowa yi ji kaa, waa kɛ nihi nɛ waa kɛ mɛ kpeɔ ngɛ wa daa ligbi si himi mi ɔ maa sɛɛ e he ní. (La 35:28) Sisije ɔ, e he ma nyɛ maa wa ha wɔ kaa wa maa fiɛɛ be mi nɛ wa be fiɛɛmi tso mi. Se ke wa kase bɔ nɛ a jeɔ ní sɛɛmi sisi nɛ a tsaa nɔ ngɛ blɔ slɔɔtohi a nɔ ha a, wa he ma nyɛ maa be ngɛ jã peemi mi nɛ wa bua maa jɔ he!
Je VIDEO nɛ ji, Pee Klaalo Kaa O Maa Jaje “Tue Mi Jɔmi He Sane Kpakpa a”—Moo Je Ní Sɛɛmi Sisi. Lɔ ɔ se ɔ, mo bi tue buli ɔmɛ ke:
Mɛni o kase ngɛ video nɛ ɔ mi nɛ ma nyɛ maa ye bua mo konɛ o nyɛ nɛ o ye odase be mi nɛ o be fiɛɛmi tso mi?
Níhi nɛ nyɛɛ se nɛ ɔmɛ ji blɔhi komɛ a nɔ nɛ o ma nyɛ maa gu kɛ je ní sɛɛmi sisi:
Moo pee klaalo kaa o kɛ he blɔhi nɛ o ma ná ke o je we mi pɛ ɔ maa je ní sɛɛmi sisi. Moo sɔle ngɛ he, nɛ o bi Yehowa nɛ e tsɔɔ mo blɔ kɛ ya tsui kpakpatsɛmɛ a ngɔ
Mo je huɛ bɔmi su kpo kɛ tsɔɔ kaa o susuɔ nihi nɛ o kɛ mɛ kpeɔ ɔ a he. Moo bɔ mɔde nɛ o yɔse nɔ́ ko ngɛ nɔ ɔ he nɛ maa ye bua mo nɛ o le Baiblo mi sɛ gbi nɛ nɔ ɔ bua maa jɔ he
Moo ngɔ nɔ ɔ tɛlifoo nɔma ke jã maa hi peemi
Ko ha nɛ e gba o nya ke ní sɛɛmi ɔ ba nyagbe loko o nyɛ nɛ o ye odase
Ke nyɛ sɛɛ ní ɔ ta a, moo ya nɔ nɛ o susu nɔ ɔ he. Yaa nɔ nɛ o mane lɛ Baiblo ɔ aloo munyu ko nɛ ngɛ jw.org ɔ nɔ he link
Moo ka enɛ ɔ nɛ o hyɛ: Ke nɔ ko bi mo ke, ‘Kɛ otsi ɔ nyagbe ɔ ya lɛ kɛɛ?,’ mo de nɔ ɔ ní komɛ nɛ o kase ngɛ asafo mi kpe ɔ sisi aloo ní nɛ o tsuɔ kaa Baiblo tsɔɔlɔ.
8. Asafo ɔ Mi Hiami Níhi
(Hɛngm. 5)
9. Asafo Baiblo Mi Ní Kasemi
(Hɛngm. 30) bt yi 6 ¶1-8, kɛ fã 2 nya blimi munyu