JANUARY 20-26
LA 138-139
La 93 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Ko Ha Nɛ Gbeye Yemi Nɛ Tsi O Nya
(Hɛngm. 10)
Wa suɔ nɛ wa je Yehowa yi kɛ wa tsui tsuo (La 138:1)
Ke o yeɔ gbeye kaa o ma ha sane heto ngɛ asafo mi kpe sisi ɔ, ngɔɔ o hɛ kɛ fɔ Yehowa nɔ nɛ e ye bua mo (La 138:3)
Gbeye yemi ma nyɛ maa tsɔɔ kaa o baa o he si nɛ o naa ni kpahi kaa a nɔ kuɔ pe mo (La 138:6; w19.01 10 ¶10)
GA WOMI: Ke wa bɔ mɔde kaa wa ma ha nɛ wa sane heto nɛ pee kpiti ɔ, e be hae nɛ waa ye gbeye tsɔ.—w23.04 21 ¶7.
2. Ngmami ɔ Mi Junehi
(Hɛngm. 10)
La 139:21, 22—Anɛ e sa nɛ Kristofohi nɛ a ngɔ nɔ fɛɛ nɔ nɛ tɔ̃ a nɔ ɔ he tɔmi kɛ ke lɛ lo? (mwbr25.01 bf. 3 kk. 3)
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) La 139:1-18 (th ní kasemi 2)
4. Bɔ Nɛ O Maa Je Ní Sɛɛmi Sisi Ha
(Hɛngm. 3) MA NƆ ODASE YEMI. (lmd ní kasemi 2 oti 3)
5. Bɔ Nɛ O Maa Pee Nihi Kaseli Ha
(Hɛngm. 4) MA NƆ ODASE YEMI. Mo de nɔ ɔ kaa o suɔ nɛ o kɛ lɛ nɛ je Baiblo ɔ kasemi sisi, nɛ o tsɔɔ lɛ bɔ nɛ waa kɛ nihi kaseɔ Baiblo ɔ ha. (lmd ní kasemi 10 oti 3)
6. Munyu Tumi
(Hɛngm. 5) ijwyp munyu 105—Munyuyi: Kɛ Ma Plɛ Kɛ Ye Zo Gbomi Nɔ Ha Kɛɛ? (th ní kasemi 16)
La 59
7. Ke O Gboɔ Zo Po ɔ, O Bua Ma Nyɛ Maa Jɔ Ngɛ Fiɛɛmi Ní Tsumi ɔ Mi
(Hɛngm. 15) Ní Sɛɛmi.
Anɛ o maa kale o he kaa nɔ ko nɛ e gboɔ zo lo? Anɛ be fɛɛ be ɔ, o suɔ kaa o maa laa o he lo? Anɛ o tsui poɔ ke o suɔ nɛ o kɛ nɔ ko nɛ tu munyu lo? Be komɛ ɔ, zo be hae nɛ waa pee ní komɛ nɛ wa suɔ kaa wa maa pee ɔ. Se kɛ̃ ɔ, nihi fuu nɛ a gboɔ zo ɔ nyɛ nɛ a kɛ nihi sɛɛ ní ngɛ Baiblo ɔ mi, nɛ lɔ ɔ ha nɛ a bua ba jɔ ngɛ a fiɛɛmi ní tsumi ɔ mi. Mɛni wa ma nyɛ maa kase ngɛ a nɔ hyɛmi nɔ́ ɔ mi?
Je VIDEO nɛ ji, E Ngɛ Mi Kaa I Gboɔ Zo Mohu Lɛɛ, Se I Ngɔ Ye He Kɛ Ha. Lɔ ɔ se ɔ, mo bi tue buli ɔmɛ ke:
Mɛni se nɛ Nyɛmiyo Lee ná benɛ e kɛ ga womi nɛ e maa kɛ ha lɛ kaa ‘e kɛ e nyɛmi tsuo nɛ sɔmɔ Yehowa’ a tsu ní ɔ?
Baiblo ɔ tsɔɔ kaa eko ɔ, Mose, Yeremia kɛ Timoteo hu ji nihi nɛ a gbo zo. (2Mo 3:11; 4:10; Yer 1:6-8; 1Ti 4:12) Se kɛ̃ ɔ, a pee ní nguahi ngɛ Yehowa sɔmɔmi mi akɛnɛ e piɛɛ a he ɔ he je. (2Mo 4:12; Yer 20:11; 2Ti 1:6-8)
Kane Yesaya 43:1, 2. Lɔ ɔ se ɔ, mo bi tue buli ɔmɛ ke:
Mɛni si nɛ Yehowa wo e sɔmɔli?
Kɛ Yehowa ma plɛ kɛ ye bua nihi nɛ a gboɔ zo ɔ konɛ a bua nɛ jɔ ngɛ a fiɛɛmi ní tsumi ɔ mi ha kɛɛ?
Je VIDEO nɛ ji, Bɔ Nɛ O Baptisimi ɔ Ma Ha Nɛ O Ná Bua Jɔmi Babauu Ha—Fã Ko. Lɔ ɔ se ɔ, mo bi tue buli ɔmɛ ke:
Mɛni blɔ nɔ Yehowa gu kɛ wo Nyɛmiyo Jackson he wami nɛ e ye bua lɛ ngɛ e fiɛɛmi ní tsumi ɔ mi?
Kɛ fiɛɛmi ní tsumi ɔ maa ye bua nɔ ko nɛ gboɔ zo ɔ ha kɛɛ?
8. Asafo Baiblo Mi Ní Kasemi
(Hɛngm. 30) bt yi 21 ¶8-13, daka nɛ ngɛ bf. 169