APRIL 14-20
ABƐ 9
La 56 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Moo Pee O He Ní Lelɔ, Se Pi Nɔ He Fɛu Yelɔ
(Hɛngm. 10)
He fɛu yelɔ kplɛɛ we ga womi nɔ, mohu ɔ, e nyɛɔ nɔ nɛ wo lɛ ga a (Abɛ 9:7, 8a; w22.02 9 ¶4)
Ke a wo ní lelɔ ga a, e bua jɔɔ ga womi ɔ kɛ nɔ nɛ wo lɛ ga a tsuo he (Abɛ 9:8b, 9; w22.02 12 ¶12-14; mwbr25.03 bf. 9 kk. 3-4)
Ní lelɔ ɔ ma ná he se, se he fɛu yelɔ ɔ lɛɛ e maa na mi nɔ́ (Abɛ 9:12; mwbr25.03 bf. 9 kk. 5)
2. Ngmami ɔ Mi Junehi
(Hɛngm. 10)
Abɛ 9:17—Mɛni nɛ “nyu nɛ a ju” ɔ daa si ha, nɛ mɛni he je nɛ e “ngɔɔ” ɔ? (w23.06 22-23 ¶9-10)
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) Abɛ 9:1-18 (th ní kasemi 5)
4. Kpale Ya Slaa Nihi Nɛ A Bua Jɔ Munyu ɔ He
(Hɛngm. 4) WEHI A MI FIƐƐMI. Nɔ ɔ ba Kaimi ɔ. (lmd ní kasemi 8 oti 3)
5. Kpale Ya Slaa Nihi Nɛ A Bua Jɔ Munyu ɔ He
(Hɛngm. 4) MA NƆ ODASE YEMI. Benɛ o kɛ nɔ ɔ sɛɛ ní be ko nɛ be ɔ, o ye bua lɛ nɛ e na he nɛ a maa pee Kaimi ɔ ngɛ nɛ́ e kɛ lɛ he kɛ we. (lmd ní kasemi 7 oti 4)
6. Kpale Ya Slaa Nihi Nɛ A Bua Jɔ Munyu ɔ He
(Hɛngm. 4) ODASE NƐ A YEƆ BE MI NƐ A BE FIƐƐMI TSO MI. Benɛ o kɛ o wekuno ko sɛɛ ní be ko nɛ be ɔ, o ye bua lɛ nɛ e na he nɛ a maa pee Kaimi ɔ ngɛ nɛ́ e kɛ lɛ he kɛ we. (lmd ní kasemi 8 oti 4)
La 84
7. Anɛ He Blɔhi Peeɔ Mo Nɔmlɔ Ngua Lo?
(Hɛngm. 15) Ní Sɛɛmi.
Je VIDEO ɔ. Lɔ ɔ se ɔ, mo bi tue buli ɔmɛ ke:
Mɛni nɛ munyungu nɛ ji “he blɔ” ɔ tsɔɔ?
Kɛ e sa nɛ nihi nɛ a ngɛ he blɔhi ngɛ asafo ɔ mi ɔ nɛ a na a he ha kɛɛ?
Mɛni he je nɛ he blɔhi nɛ o ma ná nɛ o kɛ ma sɔmɔ ni kpahi ɔ he hia pe blɔ nya nguahi nɛ o ma ná a?
8. Asafo Baiblo Mi Ní Kasemi
(Hɛngm. 30) bt yi 25 ¶5-7, daka nɛ ngɛ bf. 200