JULY 28–AUGUST 3

JUETLI NƐ NGƐ MAWU MUNYU Ɔ MI

1. Moo Pee Níhi Nɛ Maa Wo Mo He Wami Ngɛ Behi Nɛ A Mi Wa Mi

(Hɛngm. 10)

Yaa nɔ nɛ o ná nile kɛ juɛmi (Abɛ 24:5; mwbr25.07 bf. 5 kk. 1)

Ke o kɔni mi jɔ̃ po ɔ, moo ya nɔ nɛ o sɔle, nɛ o kane Baiblo ɔ daa ligbi nɛ o ya asafo mi kpehi be fɛɛ be (Abɛ 24:10; mwbr25.07 bf. 5 kk. 2-3)

Hemi kɛ yemi nɛ mi wa kɛ suɔmi nɛ wa ngɛ kɛ ha Yehowa a yeɔ buaa wɔ nɛ wa nyɛɔ daa si fɔfɔɛhi nɛ a mi wa nya (Abɛ 24:16; w20.12 15)

Nyɛmiyo ko nɛ hiɔ nɛ nya wa ngɛ e nya gbae, nɛ e kɛ e huɛ ko ngɛ fiɛɛe ngɛ wehi a mi kɛ bua jɔmi. E ngɛ yo ko nɔ́ ko tsɔɔe ngɛ e tablɛti ɔ nɔ ngɛ e tsu ɔ nya.

2. Ngmami ɔ Mi Junehi

(Hɛngm. 10)

Abɛ 24:27—Mɛni nɛ abɛ nɛ ɔ ngɛ wɔ tsɔɔe? (mwbr25.07 bf. 6 kk. 1-3)

O heto
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?

O heto

3. Baiblo Kanemi

(Hɛngm. 4) Abɛ 24:1-20 (th ní kasemi 11)

MOO BƆ FIƐƐMI NÍ TSUMI Ɔ HE MƆDE

4. Moo Je Ní Sɛɛmi Sisi

(Hɛngm. 2) ODASE NƐ A YEƆ BE MI NƐ A BE FIƐƐMI TSO MI. O kɛ nɔ ko ngɛ ní sɛɛe se o nyɛ we nɛ o ye lɛ odase nɛ ní sɛɛmi ɔ ba nyagbe. (lmd ní kasemi 2 oti 4)

5. Moo Je Ní Sɛɛmi Sisi

(Hɛngm. 3) WEHI A MI FIƐƐMI. (lmd ní kasemi 3 oti 4)

6. Moo Je Ní Sɛɛmi Sisi

(Hɛngm. 3) MA NƆ ODASE YEMI. Tsɔɔ nɔ ɔ blɔ nya nɛ wa to nɛ waa kɛ nihi kaseɔ Baiblo ɔ, nɛ o ha lɛ Baiblo kasemi kaadi ɔ eko. (lmd ní kasemi 4 oti 3)

7. Munyu Tumi

(Hɛngm. 3) lmd mi tsɔɔmi munyu (A) oti 11—Munyuyi: Mawu Kɛ Wɔ Tuɔ Munyu. (th ní kasemi 6)

KRISTOFOHI A SI HIMI

8. Nyɛɛ Ye Bua Nyɛ Sibi Ngɛ Haomi Behi A Mi

(Hɛngm. 15) Ní Sɛɛmi.

Hiɔ nɛ sãa nɔ, adebɔ mi oslaahi, basabasa peemi, ta, aloo yi mi wami ma nyɛ maa ba tlukaa. Ke haomihi ba a, wa nyɛmimɛ nɛ a kɛ haomi ɔ kpe ɔ peeɔ kake kɛ yeɔ buaa a sibi nɛ a woɔ a sibi he wami. Se ke haomi ɔ sɛ wa he po ɔ, wa nuɔ he ha wa nyɛmimɛ Kristofohi nɛ a kɛ haomi ɔ ngɛ kpee ɔ, nɛ wa peeɔ nɔ́ nɛ wa ma nyɛ kɛ yeɔ buaa mɛ.—1Ko 12:25, 26.

Foni ɔmɛ: Nyɛmimɛ nyumuhi kɛ yihi nɛ a ngɛ a nyɛmimɛ ye buae ngɛ blɔ slɔɔtohi a nɔ. 1. Nyɛmimɛ nyumuhi kɛ yihi nɛ a ngɛ Matsɛ Yemi Asa ko nɛ adebɔ mi oslaa puɛ lɛ ɔ mae ekohu. 2. Nyɛmimɛ nyumuhi kɛ yihi nɛ a kɛ bua jɔmi ngɛ binyɛ ko kɛ e biyo nɛ a ma we sami ngɛ a ma a mi ɔ he nyae. 3. Nyɛmiyo ko nɛ e kɛ sika ngɛ yemi kɛ buami daka a mi woe ngɛ Matsɛ Yemi Asa a nɔ. 4. Nyɛmimɛ nyumuhi kɛ yihi nɛ a ngɔ níhi kɛ ya ngɛ nyɛmimɛ nɛ a ba sa we ɔ hae ngɛ Matsɛ Yemi Asa a nɔ. 5. Nyɛmimɛ nɛ a ngɔ a he kɛ ha nɛ a ya ngɛ nyu kɛ tɔ gbae. 6. Nyɛminyumu ko nɛ e ngɛ sɔlee.

Kane 1 Matsɛmɛ 13:6 kɛ Yakobo 5:16b. Lɔ ɔ se ɔ, mo bi tue buli ɔmɛ ke:

Mɛni he je nɛ he wami ngɛ sɔlemi nɛ Mawu sɔmɔli sɔleɔ kɛ haa ni kpahi ɔ mi ɔ?

O heto

Kane Maako 12:42-44 kɛ 2 Korinto Bi 8:1-4. Lɔ ɔ se ɔ, mo bi tue buli ɔmɛ ke:

Ke wa be sika fuu nɛ waa kɛ ma ha yemi kɛ buami kɛ fĩ je kɛ wɛ ní tsumi ɔ se konɛ a kɛ ye bua wa nyɛmimɛ nɛ e fĩ mɛ ɔ po ɔ, mɛni he je nɛ e sɛ nɛ waa gbla wa nane si kaa waa kɛ bɔɔ ɔ nɛ wa ngɛ ɔ ma ha yemi kɛ buami ɔ?

O heto

Je VIDEO nɛ ji, Bɔ Nɛ A Wo Nyɛmimɛ Ɔmɛ He Wami Ha Ngɛ Nya Tsimi Be Mi. Lɔ ɔ se ɔ, mo bi tue buli ɔmɛ ke:

Mɛni afɔle nɛ nyɛmimɛ ɔmɛ je a suɔmi mi kɛ sã konɛ a kɛ ye bua a nyɛmimɛ Kristofohi nɛ a tsi a nya ngɛ Eastern Europe ɔ?

O heto
Benɛ a tsi nyɛmimɛ ɔmɛ a nya a, mɛni a pee kɛ bu fami nɛ a fã wɔ kaa wa bua wa he nya nɛ waa wo wa sibi he wami ɔ tue?—Heb 10:24, 25

O heto

9. Asafo Baiblo Mi Ní Kasemi

(Hɛngm. 30) lfb ní kasemi 4-5