SEPTEMBER 29–OCTOBER 5
FIƐƐLƆ 3-4
La 93 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
Nyɛ ná be ha nyɛ sibi nɛ́ nyɛ ná be ha Yehowa hulɔ
1. Ha Nɛ O Kpã Etɛ Nɛ A Lo Kɛ Bla a Mi Nɛ Wa
(Hɛngm. 10)
O kɛ o he piɛɛlɔ ɔ nɛ ná be nɛ nyɛ kɛ sɛɛ níhi nɛ a he hia nɛ maa wo nyɛ he wami ɔ he ní (Fiɛ 3:1; ijwhf munyu 10 ¶2-8)
Nyɛ bla kɛ pee níhi (Fiɛ 4:9; w23.05 23-24 ¶12-14)
Nyɛ ha nɛ huɛ bɔmi kpakpa nɛ hi nyɛɛ kɛ Yehowa nyɛ kpɛti (Fiɛ 4:12; w23.05 21 ¶3)
MO BI O HE KE, ‘Ke i jeɔ ye he piɛɛlɔ ɔ he be kɛkɛɛ, aloo i ngɔɔ be nɛ i náa nɛ i kɛ yɛ ní tsumi ɔ kɛ hiaa blɔ nɛ imi pɛ i ya jɔɔ ye he ngɛ he ko, aloo i pɔɔ blɔ hiami kpamkpam ngɛ ye ní tsumi he je ɔ, kɛ e maa sa ye gba si himi ɔ he ha kɛɛ?’
2. Ngmami ɔ Mi Junehi
(Hɛngm. 10)
Fiɛ 3:8—Mɛni be nɛ e sɛ nɛ ‘a suɔ nɔ ko’? (it “Suɔmi” ¶39)
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) Fiɛ 4:1-16 (th ní kasemi 2)
4. Moo Je Ní Sɛɛmi Sisi
(Hɛngm. 3) WEHI A MI FIƐƐMI. O kɛ Hwɔɔmi Mɔ No. 1 2025 ɔ nɛ je ní sɛɛmi sisi. Ke nɔ ɔ bua jɔ nɔ́ kpa ko he ɔ, mo tsake o munyu ɔ hɛ mi. (lmd ní kasemi 2 oti 5)
5. Kpale Ya Slaa Nihi Nɛ O Kɛ Mɛ Sɛɛ Ní ɔ
(Hɛngm. 4) O KƐ NƆ Ɔ SƐƐ NÍ HYƐ BENƐ O BE FIƐƐMI TSO MI. Nɔ ɔ ngɔ Hwɔɔmi Mɔ No. 1 2025 ɔ eko, moo tsɔɔ lɛ blɔ nya tomi nɛ ngɛ kɛ ha nihi nɛ a suɔ kaa a maa kase Baiblo ɔ. (lmd ní kasemi 9 oti 4)
6. Munyu Tumi
(Hɛngm. 5) lmd mi tsɔɔmi munyu (A) oti 12—Munyuyi: Mawu Yeɔ Anɔkuale Nɛ E Hyɛ We Nɔ Hɛ Mi. (th ní kasemi 19)
La 131
7. Ke Nyagbahi Ngɛ Nyɛ Gba Si Himi ɔ Mi ɔ, Nyɛ Hla Yehowa Blɔ Tsɔɔmi Se Blɔ
(Hɛngm. 15) Ní Sɛɛmi.
Yehowa ha Kristofohi nɛ a sɛ gba si himi mi ɔ nɔ́ fɛɛ nɔ́ nɛ ma ha nɛ a ná bua jɔmi, nɛ́ a gba si himi ɔ nɛ ye manye. Se kɛ̃ ɔ, nihi nɛ a sɛ gba si himi mi ɔ kɛ nyagbahi maa kpe be komɛ. (1Ko 7:28) Ke a tsu we nyagba nɛ ɔmɛ a he ní ɔ, e ma nyɛ ma ha nɛ a ye tsui, nɛ be komɛ ɔ, a maa na nyagba amɛ kaa nɔ́ nɛ a he nɔ́ ko be hie peemi hu. Ke o kɛ si fɔfɔɛhi kaa jã kpe ngɛ o gba si himi ɔ mi ɔ, mɛni o maa pee?
Video nɛ ji Mɛni Ji Suɔmi Nitsɛnitsɛ? ɔ tsɔɔ nyagbahi nɛ a mi wa nɛ niheyo ko kɛ yiheyo ko nɛ a sɛ gba si himi mi ɔ kɛ kpe. Anɛ o kai ga womi ko nɛ tsɛ ɔ kɛ ha e biyo ɔ benɛ e ma yi mi kpɔ ko nɛ e kɛ Yehowa susumi kɔ we ɔ mwɔmi ɔ lo?
Je VIDEO Nɛ Ji, Mɛni Ji Suɔmi Nitsɛnitsɛ?—Fã Ko. Lɔ ɔ se ɔ, mo bi tue buli ɔmɛ ke:
Ke waa kɛ nyagbahi ngɛ kpee ngɛ wa gba si himi ɔ mi ɔ, mɛni he je nɛ e sa nɛ wa hla Yehowa blɔ tsɔɔmi se blɔ ɔ?—Yes 48:17; Mat 19:6
Ke nyɛɛ kɛ nyagbahi nɛ a mi wa ngɛ kpee ngɛ nyɛ gba si himi ɔ mi ɔ, nyɛɛ ya nɔ nɛ nyɛɛ mɛtɛ Yehowa he kɛ gu mumi mi níhi nɛ nyɛ maa pee be fɛɛ be ɔ nɔ. Nyɛɛ bɔ mɔde nɛ nyɛɛ ngɔ Baiblo sisi tomi mlaahi kɛ tsu nyɛ nyagba amɛ a he ní, nɛ́ nyɛ hlá níhi a mi ngɛ wa womi ɔmɛ a mi konɛ e ye bua nyɛ nɛ nyɛɛ na nyɛ si fɔfɔɛ ɔ kaa bɔ nɛ Yehowa naa lɛ ɔ. Jã nɛ nyɛ maa pee ɔ tsɔɔ kaa nyɛ suɔ nɛ Yehowa nɛ ye bua nyɛ.—Abɛ 10:22; Yes 41:10.
Je VIDEO Nɛ Ji, Ko Ha Nɛ Je ɔ Tue Mi Jɔmi ɔ Nɛ Sisi Mo!—Darrel Kɛ Deborah Freisinger. Lɔ ɔ se ɔ, mo bi tue buli ɔmɛ ke:
Mɛni o kase ngɛ Nyɛminyumu kɛ Nyɛmiyo Freisinger a níhi a si kpami ɔ mi kɛ kɔ nɔ́ nɛ o maa pee ke o kɛ nyagbahi nɛ a mi wa ngɛ kpee ngɛ o gba si himi ɔ mi ɔ he?
8. Asafo Baiblo Mi Ní Kasemi
(Hɛngm. 30) lfb ní kasemi 22, fã 5 nya blimi munyu kɛ ní kasemi 23