Ní Komɛ Nɛ Maa Ye Bua Mo

Anɛ o pɔɔ wa nyɛmimɛ ɔmɛ a he sanehi kanemi lo?

Weku ko nɛ a kaneɔ wa nyɛmimɛ a he sanehi daa mɔtu ɔ de ke: “Sane nɛ ɔmɛ nɛ wa pɔɔ kanemi ɔ woɔ wɔ he wami, nɛ a haa nɛ wa bua jɔɔ! A kaiɔ wɔ kaa wɔ hu wa ma nyɛ maa ye Yehowa anɔkuale ngɛ si fɔfɔɛhi tsuo a mi.” Nyɛmiyo ko nɛ lɛ hu e nu he jã a de ke: “Sane nɛ ɔmɛ woɔ nɔ bua, a haa nɛ nɔ nɔ gbagba tee, nɛ nɔ tsui nɔɔ e mi. Wa nyɛmimɛ nyumuhi kɛ yi nɛ ɔmɛ a si himi pee kpakpa nɛ a ngɛ bua jɔmi. A níhi a si kpami ɔmɛ wo mi he wami nɛ i nyɛ nɛ i pee babauu ngɛ fiɛɛmi ní tsumi ɔ mi. Jehanɛ hu ɔ, i nyɛ nɛ i ye bua ye bimɛ ɔmɛ nɛ a kɛ a be tsuo ngɛ Yehowa sɔmɔe.”

Nihi a he sane nɛ ɔmɛ ma nyɛ maa wo mo he wami konɛ o kɛ mumi mi otihi nɛ ma o hɛ mi, nɛ́ o nyɛ nɛ o ye o gbɔjɔmihi a nɔ. Jehanɛ hu ɔ, e ma nyɛ maa ye bua mo nɛ o nyɛ nɛ o da kahi nɛ a mi wa a nya. Jije o maa na nihi a he sane nɛ ɔmɛ ngɛ?

• Yaa jw.org loo JW Library® ɔ nɔ, nɛ o hyɛ munyuyi nɛ ji, “Life Stories of Jehovah’s Witnesses.”

• Mo hla munyuyi nɛ ji “Life Stories of Jehovah’s Witnesses” ɔ ngɛ Watchtower ONLINE LIBRARY^™ ɔ nɔ aloo Watchtower Library ɔ mi.