Mi Ní

FEBRUARY 29, 2016–MARCH 6, 2016 OTSI Ɔ MI

3 Nyɛɛ Fia Nyɛ Pɛɛ Si Kaa Nyɛ Maa “Suɔ Nyɛ Sibi Daa Kaa Nyɛmimɛ”!

Mɛni ji wa jeha 2016 jeha ngmami ɔ? Ngɛ jeha a mi ɔ, be fɛɛ be nɛ wa maa hyɛ wa jeha ngmami ɔ, mɛni he e sa nɛ wa susu? Munyu nɛ ɔ nɛ wa maa kase ɔ maa tsɔɔ wɔ bɔ nɛ wa ma ná wa jeha ngmami ɔ he se ha.

MARCH 7-13, 2016 OTSI Ɔ MI

9 Ha Mawu “Nike Ní Nɛ Nɔ Ko Be Nyɛe Maa Kale” ɔ Nɛ Wo Mo He Wami

Yehowa ha wɔ “nike ní nɛ nɔ ko be nyɛe maa kale.” (2 Korinto Bi 9:15) Mɛni ji jamɛ a nike ní ɔ? Mɛni blɔ nɔ nɛ nike ní nɛ ɔ woɔ wɔ he wami nɛ wa kaseɔ Kristo Yesu, nɛ wa suɔ wa nyɛmimɛ, nɛ waa kɛ a tɔmihi paa mɛ kɛ jeɔ wa tsui mi ngɛ? Wa maa na sane bimi nɛ ɔmɛ a heto ngɛ munyu nɛ ɔ mi, lɔ ɔ se ɔ, wa ma susu ní komɛ nɛ wa ma nyɛ maa pee ngɛ Kaimi be ɔ mi ɔ a he.

MARCH 14-20, 2016 OTSI Ɔ MI

14 Mumi ɔ Kɛ Wɔ Hu Wa Mumi ɔ Yeɔ Odase

MARCH 21-27, 2016 OTSI Ɔ MI

20 “Waa Kɛ Mo Maa Ya”

Munyu enyɔ nɛ ɔmɛ nɛ wa maa kase ɔ maa tsɔɔ wɔ bɔ nɛ nɔ ko ma nyɛ maa na kaa e ná hiɔwe tsɛmi, kɛ nɔ́ nɛ nu nɛ a maa pɔ nɔ ko ɔ tsɔɔ. Jehanɛ ɔ, wa ma susu bɔ nɛ e sa kaa nihi nɛ a pɔ mɛ nu ɔ nɛ a bu a he ha, kɛ bɔ nɛ e sa kaa waa pee wa ní ha ke wa na kaa nihi nɛ a yeɔ abolo ɔ nɛ a nuɔ wai ɔ ngɛ Kaimi ɔ sisi ɔ a yibɔ ngɛ hɛ mi yae ɔ he.

MARCH 28, 2016–APRIL 3, 2016 OTSI Ɔ MI

27 Akɛnɛ Waa Kɛ Mawu Ngɛ Ní Tsue He Je ɔ, Wa Ngɛ Bua Jɔmi

Be tsuaa be ɔ, Yehowa fɔɔ nihi nine konɛ a ba piɛɛ e he kɛ tsu e yi mi tomi he ní. E suɔ kaa a fiɛɛ sane kpakpa a kɛ tsɔɔ nihi tsuo ngɛ je kɛ wɛ, nɛ e fɔ wɔ nine konɛ waa piɛɛ e he kɛ tsu ní tsumi nɛ ɔ. Munyu nɛ ɔ nɛ wa maa kase ɔ, ma ha nɛ waa le nɔ́ he je nɛ Mawu he nɛ wa piɛɛ kɛ ngɛ ní tsue ɔ haa nɛ wa bua jɔɔ wawɛɛ ɔ.