Mɛni e sa kaa o pee?
50 Anɛ o suɔ kaa o maa hi si kɛ ya neneene ngɛ jamɛ a paradeiso nɛ ngɛ fɛu ɔ mi lo?
Lɛɛ kase níhi nɛ Mawu de ɔ he ní fuu. Bɔɔ mɔde nɛ o kane Baiblo ɔ.—Yohane 17:3; Kpojemi 1:3
51 Kase Yesu he ní fuu.—5 Mose 18:18, 19; Yohane 3:16; Bɔfo 3:19-23
52 Bɔɔ mɔde nɛ o pee ní kpakpahi pɛ nɛ o bu Yehowa tue.—Romabi 6:17, 18, 22
53 Mo kai kaa, Yehowa de ke wa ko gbe nɔ.—2 Mose 20:13; 1 Yohane 3:11, 12
54 Wa ko ju ni kpahi a níhi.—2 Mose 20:15; Efesobi 4:28
55 E sɛ nɛ nyumu kɛ yo hii si kaa nɔ kɛ e yo aloo e kɛ lɛ hwɔɔ si ja lɛ nitsɛ e yo.—2 Mose 20:14, 17; 1 Tesalonikabi 4:3
56 Anɛ o kai yihi abɔ nɛ Mawu ha nyumu he blɔ kaa e ngɔ lo? Kɛ ya si mɛni be e sa nɛ nyumu kɛ e yo nɛ hi si?—1 Mose 2:22, 24; Mateo 19:5, 6; 1 Korintobi 7:2, 10, 11
57 Mo kai hu kaa, e sa nɛ wa ja Yehowa nyaake too pɛ.—Mateo 4:10; 1 Korintobi 8:6
58 Wɔhi kɛ amagahi be nyɛe maa ye bua wɔ. Mɛni heje?—1 Korintobi 8:4
Anɛ e hi kaa waa puɛ amagahi lo?—5 Mose 27:15; 1 Yohane 5:21
59 Mɛni heje nɛ e ji tɔmi kaa waa kɛ sɛbɛhi ma tsu ní aloo kaa wa ma tsu kunya?—5 Mose 18:10-13; Kpojemi 21:8
60 Bɔfo yayami ɔmɛ aloo daimonio ɔmɛ tsɔ Mawu hɛ mi atua. A guu nihi nɛ a biɔ ní ngɛ a ngɔ ɔmɛ a nɔ nɛ a sisiɔ adesahi.—Bɔfo 16:16
61 E sa nɛ waa sɔle kɛ ha Mawu. Sɔlemi ji munyu nɛ waa kɛ Mawu tuɔ, nɛ́ wa ma de lɛ kaa wa suɔ nɛ wa ma sɔmɔ lɛ, kɛ e yemi kɛ buami nɛ wa ma bi.—Filipibi 4:6, 7
62 E sa nɛ wa bu Yesu tue nɛ wa na hemi kɛ yemi ngɛ e mi.—Hebribi 5:9; Yohane 3:16
63 Mo kai kaa e gbo kɛ he wa yi wami.—Romabi 5:8
64 Mo kai kaa Yesu ji wa Matsɛ se wa nɛ́ lɛ kɛ wa hɛngmɛ. E sa nɛ waa bu lɛ tue.—Filipibi 2:9-11; Kpojemi 19:16
65 Yesu de ke e sa nɛ o tu ní kpakpahi nɛ o ngɛ kasee ɔmɛ a he munyu kɛ tsɔɔ ni kpahi, konɛ a mii nihi nɛ suɔ kaa a ma sɔmɔ Mawu ɔ nyu.—Mateo 28:19, 20; Yohane 4:7-15
66 Lɔɔ heje ɔ o ma nyɛ maa gba o huɛmɛ ní kpakpahi nɛ ɔmɛ a he sane.—Mateo 10:32
67 Ke o kase bɔ nɛ a kaneɔ ní saminya a, o ma nyɛ maa kase ní fuu nɛ lɔɔ ma ha nɛ o ma nyɛ maa ye kɛ bua ni kpahi.—2 Timoteo 2:15
68 Yesu tsɔɔ jokuɛwi hu nɛ a bu Mawu tue. Yesu naa a he deka be fɛɛ be nɛ e tuɔ munyu kɛ tsɔɔ mɛ.—Mateo 19:13-15
69 E sa nɛ fɔli nɛ́ tsɔɔ a bimɛ be fɛɛ be nɛ a bu Mawu tue nɛ a suɔ lɛ.—5 Mose 6:6, 7; Abɛ 6:20-22; Efesobi 6:4
70 Jamihi slɔɔtohi ngɛ. A tsɔɔmi ɔmɛ fuu be Baiblo ɔ mi. Yehowa ngɛ wɔ dee kaa waa je jamihi nɛ a tsɔɔ we anɔkuale ɔ mi.—Kpojemi 18:4; Yohane 4:23, 24
71 Yehowa ngɛ e webi ngɛ zugba a nɔ, nɛ a ma nyɛ maa tsɔɔ mo e he ní fuu. O le nimli nɛ a ji lo?—Bɔfo 15:14; Romabi 10:14, 15
72 Mɛ ji Yehowa Odasefoli. Tue mi jɔmi ngɛ a kpɛti. O le nɔ́ heje lo? Ejakaa a suɔ a sibi.—Yesaya 43:10-12; Yohane 13:34, 35
73 Akɛnɛ a ngɛ suɔmi kɛ ha Yehowa hu heje ɔ, a mii mɛ nyu. Enɛ ɔ peemi ji nɔ́ nɛ a kɛ tsɔɔ ngɛ magbɛ nɔ kaa a ngmɛɛ a jemiba yayami ɔmɛ a he nɛ a suɔ nɛ a ngɔ a wami be tsuo kɛ sɔmɔ Mawu.—Bɔfo 2:41
74 Yehowa Odasefoli ngɛ blɔ hyɛe kaa a maa hi si ngɛ paradeiso ehe nɛ ngɛ fɛu ɔ mi.—La 37:9-11, 29
Mɛni o ma nyɛ maa pee konɛ o piɛɛ a he kɛ hi lejɛ ɔ?—Yakobo 1:22, 25; 2:20-26
75 Ngɔɔ o he kɛ bɔ mɛ nɛ nyɛɛ sɔmɔ Yehowa. A ngɛ suɔmi kɛ ha Yehowa kɛ Yesu Kristo nɛ a buɔ mɛ tue. O ngɛ suɔmi kɛ ha mɛ lo? Anɛ o suɔ nɛ o ye kɛ bua ni kpahi konɛ a kase Mawu he ní lo?—Yohane 6:45-47
76 Yehowa kɛ Yesu Kristo ngɛ suɔmi kɛ ha mo nɛ a suɔ nɛ o hi si daa ngɛ paradeiso mi.—Yohane 3:16
E ji anɔkuale kaa womi nyafii nɛ ɔ mi fonihi slɔɔtohi kɛ e mi munyuhi nɛ o kase ɔ ha nɛ o na suɔmi kaa o maa hi zugba a nɔ kɛ ya neneene. Ke o suɔ nɛ o kase enɛ ɔ he ní babauu ɔ, lɛɛ wa ngɛ mo he wami woe nɛ o kɛ Yehowa Odasefoli nɛ a ngɛ o huza a nɔ ɔ nɛ sɛɛ ní. Aloo, o ma nyɛ maa ngma womi, aloo eko ɔ, o ma ha nɛ nɔ ko maa ngma ha mo kɛ ya ha Yehowa Odasefoli a ní tsumi he kɔni ɔ ngɛ he nɛ o ngɛ ɔ, kaa bɔ nɛ a tsɔɔ ngɛ adrɛs slɔɔtohi nɛ ngɛ womi nyafii nɛ ɔ bafa nɛ ji enyɔ ɔ mi ɔ.