FÃ 1

Mɛni Blɔ Nɔ Wa Guu Kɛ Buɔ Mawu Tue?

Mawu tuɔ munyu kɛ tsɔɔ wɔ kɛ guu Baiblo ɔ nɔ. 2 Timoteo 3:16

Yehowa ngɔ e mumi klɔuklɔu ɔ kɛ ye bua nihi nɛ a ngma Baiblo ɔ

Anɔkuale Mawu ɔ de nyumu komɛ níhi nɛ ngɛ e juɛmi mi nɛ a ngma kɛ wo womi klɔuklɔu ko mi. Womi nɛ ɔ ji Baiblo ɔ nɛ. Munyuhi nɛ a ngma ngɛ Baiblo ɔ mi ɔ he hia, nɛ Mawu suɔ kaa o le.

Mawu le níhi nɛ hi ha wɔ, nɛ lɛ ji Nɔ nɛ e ma nyɛ ma ha wɔ nile nitsɛnitsɛ. Ke o bu lɛ tue ɔ, o maa le ní saminya.—Abɛ 1:5.

Baiblo ɔ ngɛ gbi slɔɔtohi a mi; nyumu ko nɛ e ngɛ Baiblo ɔ kanee ngɛ e je gbi mi

Mawu suɔ kaa nɔ tsuaa nɔ nɛ ngɛ zugba a nɔ nɛ e kane Baiblo ɔ. A tsɔɔ Baiblo ɔ sisi kɛ ya gbihi fuu a mi.

Ke o suɔ kaa o maa bu Mawu tue ɔ, lɛɛ e sa nɛ o kane Baiblo ɔ nɛ o nu sisi.

Nimli nɛ a ngɛ he tsuaa he buɔ tue. Mateo 28:19

Yehowa Odasefo no ko nɛ e ngɛ Ngmami ko kanee kɛ ngɛ nyumu ko tsɔɔe, nɛ lɔ ɔ se ɔ, e kɛ lɛ ngɛ Baiblo ɔ kasee

Yehowa Odasefohi ma nyɛ maa ye bua mo konɛ o nu Baiblo ɔ sisi.

A tsɔɔ nihi anɔkuale nɛ kɔɔ Mawu he ɔ ngɛ je ɔ mi tsuo.

Yehowa Odasefohi nɛ a kpe ngɛ Matsɛ Yemi Asa ko nɔ

Ke a tsɔɔ mo ní ɔ, e he hia we nɛ o wo sika ko ngɛ he. O ma nyɛ maa kase Mawu he ní ngɛ Yehowa Odasefohi a Matsɛ Yemi Asa a nɔ ngɛ he nɛ o ngɛ ɔ hulɔ.