A Bu Satan Tue—Mɛni Je Mi Kɛ Ba?

Adam kɛ Hawa gbo Mawu tue nɛ a gbo. 1 Mose 3:6, 23

Hawa bu sinɔ ɔ tue nɛ e ye tso yiblii ɔ eko. Pee se ɔ, e ngɔ eko kɛ ha Adam nɛ lɛ hu e ye.

Nɔ́ nɛ a pee ɔ dɛ​—e ji yayami. Mawu fiee mɛ kɛ je we nɛ a ngɛ mi nɛ ji Paradeiso ɔ mi.

Si himi mi wa ha mɛ kɛ a bimɛ. A bwɔ nɛ a gbo. Benɛ a gbo ɔ, a yɛ mumihi a je ko; a be si himi mi hu.

Ke nɔ ko gbo ɔ, wami be e mi, e ngɛ kaa zu. 1 Mose 3:19

Wa gboɔ ejakaa Adam kɛ Hawa a bimɛ ji wɔ. Nihi nɛ a gbo ɔ hyɛ we nɔ́, nɛ a nui nɔ́, nɛ a nyɛ we nɔ́ ko peemi hulɔ.​—Fiɛlɔ 9:5, 10.

Yehowa tui e yi mi kaa adesahi nɛ a gbo. E be kɛe nɛ Yehowa ma tle nihi nɛ a gbo ɔ si. Ke a bu lɛ tue ɔ, a maa hi si kɛ ya neneene.