FÃ 9

Mɛni Be Zugba a Ma Plɛ Paradeiso?

Haomihi nɛ ngɛ je ɔ mi ɔ tsɔɔ kaa Mawu Matsɛ Yemi ɔ su si ta. Luka 21:10, 11; 2 Timoteo 3:1-5

Ní yayahi nɛ pɔ he ngɛ nyagbe ligbi ɔmɛ a mi—asɔ fiɛmi, ta hwumi, hiɔ, hwɔ, nihi nɛ a be a fɔli bue, awi yemi

Níhi babauu nɛ ngɛ nɔ yae ngɛ je ɔ mi mwɔnɛ ɔ ji níhi nɛ Baiblo ɔ gba kaa e maa ba. E de kaa nihi maa pee a he sika suɔli, nihi nɛ a bui a fɔli, awi yeli, kɛ nihi nɛ a suɔ níhi nɛ ma ha mɛ bua jɔmi.

Zugba mimiɛmi nɛ nya wa, kɛ ta hwumihi, kɛ hwɔ, kɛ hiɔ maa ba. Ní nɛ ɔmɛ tsuo ngɛ nɔ yae amlɔ nɛ ɔ.

Yehowa Odasefo no ko nɛ e ngɛ sane kpakpa nɛ kɔɔ Matsɛ Yemi ɔ he ɔ fiɛɛe kɛ ngɛ nyumu ko hae

Jehanɛ se hu ɔ, Yesu de ke a maa fiɛɛ Matsɛ Yemi ɔ he sane kpakpa a kɛ kpa zugba a nɔ tsuo.—Mateo 24:14.

Matsɛ Yemi ɔ ma je ní yayamihi tsuo kɛ je. 2 Petro 3:13

A kpata yiwutsotsɛmɛ a hɛ mi ngɛ Harmagedon, nɛ a gbla Satan kɛ e daimonio ɔmɛ a tue

E be kɛe nɛ Yehowa ma kpata yayami peeli tsuo a hɛ mi.

A maa gbla Satan kɛ mumi yayami ɔmɛ a tue.

Yesu hi e matsɛ sɛ nɛ ngɛ hiɔwe ɔ nɔ nɛ nihi nɛ a je ma slɔɔtohi a mi ɔ a bua jɔ

A ma he nihi nɛ a buɔ Mawu tue ɔ a yi wami kɛ ya je ehe nɛ́ a peeɔ dami ní ngɛ mi ɔ mi; gbeye yemi be lejɛ ɔ hie, nihi ma he a sibi maa ye, nɛ a maa suɔ a sibi.