Hwɔɔmi Mɔ INTANƐTI NƆ NITO HE
Hwɔɔmi Mɔ
INTANƐTI NƆ NITO HE
Dangme
Ɛ
  • ã
  • á
  • ɛ
  • ɛ́
  • ɛ̃
  • ɔ
  • ɔ́
  • í
  • ĩ
  • BAIBLO
  • WOMIHI
  • ASAFO MI KPEHI
  • jy yi 129 bf. 294-bf. 295 kk 3
  • Pilato De Ke: “Nyɛɛ Hyɛ, Nyumu Ji Nɛ ɔ Nɛ!”

Ngmami nɛ ɔ he video be amlɔ nɛ ɔ.

Wa kpa mo pɛɛ nyagba ko he je ɔ, video ɔ hí jemi.

  • Pilato De Ke: “Nyɛɛ Hyɛ, Nyumu Ji Nɛ ɔ Nɛ!”
  • Yesu Ji Blɔ ɔ, Anɔkuale ɔ, Kɛ Wami ɔ
  • Munyu Nɛ Ngɛ Kaa Enɛ ɔ
  • Pilato Kɛ Herode Tsuo Na Kaa Yesu Yi Fɔ
    Yesu Ji Blɔ ɔ, Anɔkuale ɔ, Kɛ Wami ɔ
  • A Ngɔ Yesu Kɛ Ha Konɛ A Ya Gbe Lɛ
    Yesu Ji Blɔ ɔ, Anɔkuale ɔ, Kɛ Wami ɔ
  • Yesu Gbo Ngɛ Golgota
    Níhi Nɛ O Ma Nyɛ Maa Kase Ngɛ Baiblo ɔ Mi
  • Sanhedrin ɔ Kojo Yesu, Nɛ A Ngɔ Lɛ Kɛ Ya Ha Pilato
    Yesu Ji Blɔ ɔ, Anɔkuale ɔ, Kɛ Wami ɔ
Fuu Ngɛ Hiɛ ɔ
Yesu Ji Blɔ ɔ, Anɔkuale ɔ, Kɛ Wami ɔ
jy yi 129 bf. 294-bf. 295 kk 3
Pilato ngɔ Yesu nɛ a wo lɛ tade nɛ hɛɛ alamua tu su, nɛ a bu mio jlasi ha lɛ ɔ kɛ je kpo

YI 129

Pilato De Mɛ Ke: ‘Nyɛɛ Hyɛ, Nyumu Ji Nɛ ɔ Nɛ!’

MATEO 27:15-17, 20-30 MARKO 15:6-19 LUKA 23:18-25 YOHANE 18:39–19:5

  • PILATO BƆ MƆDE KAA E MAA NGMƐƐ YESU HE

  • YUDA BI ƆMƐ BI NƐ A NGMƐƐ BARABA MOHU HE

  • A YE YESU HE FƐU, NƐ A PUE E HƐ MI SI

Pilato de nihi nɛ a ngɛ hlae nɛ a maa gbe Yesu ɔ ke: ‘I nɛ kaa e yeɔ fɔ ngɛ sanehi nɛ nyɛɛ kɛ ba po e nya a ekoeko mi. Herode hu bui lɛ fɔ, nɛ lɔ ɔ he nɛ e kpale lɛ ba ha wɔ ɔ nɛ.’ (Luka 23:14, 15) Akɛnɛ Pilato suɔ kaa e gu blɔ kpa ko nɔ kɛ ngmɛɛ Yesu he he je ɔ, e de ni ɔmɛ ke: “Se ngɛ kusumi nya a, daa Hetsɔmi nyami be ɔ, i ngmɛɛ pã mi no kake he haa nyɛ. Anɛ nyɛ suɔ nɛ ma ngmɛɛ Yuda bi ɔmɛ a matsɛ ɔ he ha nyɛ lo?”​​—Yohane 18:39.

Pilato le kaa pã mi no ko ngɛ nɛ a tsɛɛ lɛ ke Baraba. Baraba nɛ ɔ, e ji julɔ kpanaku, kɛ nɔ gbelɔ, kɛ atuã tsɔlɔ. Enɛ ɔ he ɔ, Pilato bi mɛ ke: “Mɛnɔ he nyɛ suɔ nɛ ma ngmɛɛ ha nyɛ, Baraba, loo Yesu nɛ a tsɛɛ lɛ Kristo ɔ?” Akɛnɛ osɔfo nikɔtɔma amɛ, kɛ ma nimeli ɔmɛ wo ma kpekpemi ɔ a yi mi he je ɔ, a de Pilato ke e ngmɛɛ Baraba mohu he. Pilato kpale bi mɛ ke: “Ni enyɔ nɛ ɔmɛ a ti mɛnɔ he nyɛ suɔ kaa ma ngmɛɛ ha nyɛ?” Ni ɔmɛ tsuo a nya sɔ kɛ he nɔ ke: “Baraba!”​​—Mateo 27:17, 21.

Jehanɛ ɔ lɛɛ Pilato li nɔ́ nɛ e ma de hu, lɔ ɔ he ɔ, e bi si ke: “Lɛɛ mɛni ma pee Yesu nɛ a tsɛɛ lɛ Kristo ɔ he mɔ?” Mɛ tsuo a kpa ngmlaa kɛ de ke: “Sɛu lɛ!” (Mateo 27:22) E pee we mɛ zo po kaa nɔmlɔ nɛ e pee we yayami ko ɔ, a ngɛ hlae nɛ a gbe lɛ. Pilato bi mɛ ekohu ke: “Se mɛni yayami nɛ e pee? I nɛ nɔ́ ko nɛ e pee nɛ sa kaa a gbe lɛ. Lɔ ɔ he ɔ, ma ha nɛ a fia lɛ kpa nɛ ma ngmɛɛ e he.”​​—Luka 23:22.

Ngɛ mɔde nɛ Pilato bɔ kaa e maa ngmɛɛ Yesu he ɔ tsuo se ɔ, ma kpekpemi ɔ kplɛɛ we, mohu ɔ, a ya nɔ nɛ a kpa ngmlaa wawɛɛ pe kekle ɔ po. A de ke: “Sɛu lɛ!” (Mateo 27:23) Jami nya dali ɔmɛ ha nɛ ma kpekpemi ɔ kpa ngmlaa wawɛɛ, ejakaa a ngɛ hlae nɛ a pue muɔ si kokooko! Pi julɔ loo nɔ gbelɔ ko muɔ si nɛ a ngɛ hlae nɛ a ma pue. Mohu ɔ, nyumu ko nɛ e pee we yayami, nɛ ligbi enuɔ pɛ nɛ be ɔ, a nya e he kaa matsɛ kɛ sɛ Yerusalem ma a mi ɔ nɛ a ngɛ hlae maa gbe ɔ nɛ. Eko ɔ, Yesu kaseli ɔmɛ ekomɛ ngɛ lejɛ ɔ, se a ma a nya dii nɛ a laa a he.

Pilato na kaa nɔ́ nɛ e de ɔ be ní tsue, ejakaa ni ɔmɛ bɔni basabasa peemi. Lɔ ɔ he ɔ, Pilato yɛ nyu nɛ e fɔ e dɛ ngɛ ma a tsuo a hɛ mi. Kɛkɛ nɛ e de mɛ ke: “Nyumu nɛ ɔ gbenɔ ɔ, ye nine be mi oo, ye nine be mi! Nyɛ, nyɛ sane.” Se lɔ ɔ po wui a he gbeye! Mohu ɔ, a ya nɔ nɛ a de ke: “Ee, wa nu! Tue gblami nɛ maa ba ngɛ nyumu nɛ ɔ gbenɔ se ɔ, e pee waa kɛ wa nina wa nɔ!”​​—Mateo 27:24, 25.

Amlaalo ɔ suɔ kaa e maa sa ni ɔmɛ a hɛ mi mohu pe nɛ e maa ye dami sane. Enɛ ɔ he ɔ, Pilato ngmɛɛ Baraba he ha mɛ. Lɔ ɔ se ɔ, e ha nɛ e ta buli ɔmɛ kpɔ Yesu he tade, nɛ a fiaa lɛ kpa saminya.

Benɛ a fiaa Yesu kpa se ɔ, ta buli ɔmɛ ngɔ lɛ kɛ sɛ amlaalo ɔ we ɔ mi. Ta buli fuu ya bua kɛ wo Yesu he, nɛ a wa lɛ yi mi. A ngɔ mio kɛ lo jlasi, nɛ a nyɛ jlasi ɔ si wawɛɛ kɛ wo Yesu yi. A ngɔ tso kɛ ha lɛ ke e hɛɛ ngɛ e hiɔ nine mi, nɛ a ngɔ ablade tade tsutsuu klɔii kɛ wo lɛ. Kɛkɛ nɛ a ye e he fɛu ke: “Wa nga mo oo, Yuda bi a matsɛ!” (Mateo 27:28, 29) Nɔ́ nɛ pa hí kulaa ji kaa a, a su lada pue Yesu nɔ, nɛ a gba e hɛ mi ma si abɔ. Lɔ ɔ se ɔ, a ngɔ tso ɔ ngɛ e dɛ, nɛ a kɛ fia e yi mi. Enɛ ɔ ha nɛ mio “jlasi” nɛ a kɛ ngɛ e he fɛu yee ɔ plaa lɛ wawɛɛ.

Bɔ nɛ Yesu pee kpoo nɛ e ná he wami kɛ da níhi nɛ a pee lɛ ɔ tsuo nya a pee Pilato nyakpɛ. Lɔ ɔ he ɔ, e kpale bɔ mɔde kaa e maa ngmɛɛ e he. Pilato de ke: “I kɛ lɛ ngɛ kpo jee kɛ ma nyɛ ngɔ hiɛmɛ nɛ ɔ, konɛ nyɛ ná nyɛɛ le kaa imi lɛɛ i nɛ sane yobu ko ngɛ e he nɛ ma da nɔ kɛ bu lɛ fɔ.” Anɛ Pilato susu kaa ke ni ɔmɛ na bɔ nɛ Yesu plaa ha, kɛ muɔ nɛ ngɛ bee ngɛ e he ɔ, Yesu he maa pee mɛ mɔbɔ nɛ a ma tsake a juɛmi lo? Benɛ Pilato ngɔ Yesu kɛ ya da ma a hɛ mi ɔ, e de mɛ ke: ‘Nyɛɛ hyɛ, nyumu ji nɛ ɔ nɛ!’​​—Yohane 19:4, 5.

E ngɛ mi kaa a fiaa Yesu kpa, nɛ a plaa lɛ wawɛɛ mohu lɛɛ, se kpoo nɛ e pee ɔ pee Pilato nyakpɛ. Nɔ́ nɛ Pilato de ɔ po tsɔɔ kaa e bu Yesu wawɛɛ.

BƆ NƐ ROMA BI FIAA NƆ KPA HA

Kpa nɛ a kɛ fiaa nɔ

Ngɛ womi nɛ ji The Journal of the American Medical Association nɛ Dr. William D. Edwards ngma a mi ɔ, e tsɔɔ bɔ nɛ Roma bi fiaa nɔ kpa ha a mi. E ngma ke:

“Nɔ́ nɛ a kɛ fiaa nihi kpa ji lohwe he womi nɛ a lo, loo a gba lɛ tlalatlala nɛ a kɛ wo tso nya. A fiɔ dade tsɔwitsɔwi komɛ aloo jijɔ wuhi nɛ a nya ngɛ piɔpiɔɔpiɔ kɛ woɔ kpa a he. Roma ta buli ngɔɔ kpa nɛ ɔ kɛ fiaa nɔ ɔ se mi wawɛɛ si abɔ. Ke a fiaa nɔ ko kpa a, dadehi nɛ a tsa kɛ wo kpa a he ɔ haa nɛ nɔ ɔ he tsuo fuɔ, nɛ jijɔ wu ɔmɛ poɔ e he womi kɛ sɛɛ he lo ɔ mi tɔɔ. Ke a ya nɔ nɛ a fiaa nɔ ɔ kpa hluu ɔ, e he lo ɔ hiaa, nɛ e he tsuo peeɔ kɛ muɔ.”

  • Mɛni blɔ nɔ nɛ Pilato bɔ mɔde kaa e maa ngmɛɛ Yesu he konɛ e ko ye e muɔ he fɔ?

  • Kɛ Roma bi fiaa nihi kpa ha kɛɛ?

  • Benɛ a fiaa Yesu kpa a se ɔ, mɛni a kpale pee kɛ wa lɛ yi mi?

    Dangme Womihi Tsuo (2000-2025)
    Moo Je Mi
    Moo Sɛ Mi
    • Dangme
    • Kɛ Mane
    • Bɔ Nɛ O Suɔ Lɛ Ha
    • Copyright © 2025 Watch Tower Bible and Tract Society of Pennsylvania
    • E He Mlaahi
    • Laami Sanehi A He Mlaahi
    • Laami Sanehi A He Blɔ Nya Tomi
    • JW.ORG
    • Moo Sɛ Mi
    Kɛ Mane