Hwɔɔmi Mɔ INTANƐTI NƆ NITO HE
Hwɔɔmi Mɔ
INTANƐTI NƆ NITO HE
Dangme
Ɛ
  • ã
  • á
  • ɛ
  • ɛ́
  • ɛ̃
  • ɔ
  • ɔ́
  • í
  • ĩ
  • BAIBLO
  • WOMIHI
  • ASAFO MI KPEHI
  • lfb ní kasemi 9 bf. 28-bf. 29 kk 1
  • Nyagbenyagbe ɔ, A Fɔ Binyumu!

Ngmami nɛ ɔ he video be amlɔ nɛ ɔ.

Wa kpa mo pɛɛ nyagba ko he je ɔ, video ɔ hí jemi.

  • Nyagbenyagbe ɔ, A Fɔ Binyumu!
  • Níhi Nɛ O Ma Nyɛ Maa Kase Ngɛ Baiblo ɔ Mi
  • Munyu Nɛ Ngɛ Kaa Enɛ ɔ
  • Mawu Tsɛ Lɛ Ke “Matsɛmɛ A Nyɛ”
    Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Ma Bi A Nɔ́)—2017
  • “Yo Nɛ He Ngɛ Fɛu Ji Mo”
    Hwɔɔmi Mɔ E Ngɛ Yehowa Matsɛ Yemi ɔ He Gɔgɔ Fiae (Ma Bi A Nɔ́)—2017
  • Mawu Ka Abraham Hemi Kɛ Yemi Nɛ E Hyɛ
    Ye Womi Nɛ Sɛɛɔ Baiblo Mi Sanehi
  • Abraham Kɛ Sara Bu Mawu Tue
    Níhi Nɛ O Ma Nyɛ Maa Kase Ngɛ Baiblo ɔ Mi
Fuu Ngɛ Hiɛ ɔ
Níhi Nɛ O Ma Nyɛ Maa Kase Ngɛ Baiblo ɔ Mi
lfb ní kasemi 9 bf. 28-bf. 29 kk 1
Sara ngɛ bo tsu ɔ mi nɛ e ngɛ nɔ́ nɛ Mawu bɔfo ɔmɛ ngɛ Abraham dee ɔ tue bue

NÍ KASEMI 9

Nyagbenyagbe ɔ, A Fɔ Binyumu!

Abraham yo ji Sara, nɛ a hi Ur jehahi fuu. Nɔ́ ko nɔ́ ko hia we mɛ ngɛ Ur, se a je ma a mi, nɛ a ya hi bo tsu mi. Se e hɛwi Sara kaa a je Ur ma a mi, ejakaa e ngɔ e hɛ kɛ fɔ Yehowa nɔ.

Sara suɔ kaa e ma ná bi, enɛ ɔ he ɔ, e de Abraham ke: ‘Ke ye mawayo Hagar fɔ ɔ, ma nyɛ ma ngɔ jokuɛ ɔ kaa ye bi.’ Pee se ɔ, Hagar ba fɔ binyumu. A wo lɛ biɛ ke Ishmɛl.

Sara ngɔ hɔ

Jeha komɛ a se benɛ Abraham ye jeha 99, nɛ Sara hu ye jeha 89 ɔ, nibwɔ etɛ komɛ ba slaa mɛ. Abraham kɛ mɛ ya hi tso ko sisi nɛ a ye ní. Anɛ o le nihi nɛ nibwɔ ɔmɛ ji lo? A ji Mawu bɔfohi! A de Abraham ke: ‘Jeha be nɛ ɔ mi ɔ, o kɛ o yo ɔ ma fɔ binyumu.’ Jamɛ a be ɔ mi ɔ, Sara ngɛ bo tsu ɔ mi nɛ e ngɛ mɛ tue bue. E muɔ, nɛ e bi e he ke: ‘Imi nɛ i bwɔ kikɛ ɔ, anɛ ma nyɛ ma fɔ lo?’

E nɔ jeha a, Sara fɔ binyumu kaa bɔ nɛ Yehowa bɔfo ɔ wo si ɔ. Abraham wo jokuɛ ɔ biɛ ke Isak. Biɛ Isak ɔ sisi ji “Muɔ.”

Benɛ Isak ye maa pee jeha enuɔ ɔ, Sara to he hɛ kaa Ishmɛl yeɔ Isak he fɛu. Sara suɔ kaa e maa bu Isak he, enɛ ɔ he ɔ, e de Abraham ke e fiee Hagar kɛ Ishmɛl kɛ je we ɔ mi. Jinɛ Abraham sume kaa e maa fiee mɛ. Se Yehowa de Abraham ke: ‘Moo bu Sara tue. Ma hyɛ Ishmɛl nɔ. Se Isak lɛɛ, e nɔ lɛ ye si womi ɔmɛ maa gu kɛ ba mi.’

Sara pɛtɛ Isak he, nɛ Hagar kɛ Ishmɛl hu yaa

‘Hemi kɛ yemi lɛ ha nɛ Sara hu ná he wami kɛ ngɔ nina a hɔ ɔ nɛ, ejakaa e bu Nɔ nɛ wo si ɔ kaa e ji anɔkualetsɛ.’​​—Hebri Bi 11:11

Sane bimihi: Mɛni Sara nu nɛ Mawu bɔfo ɔmɛ ngɛ Abraham dee? Mɛni blɔ nɔ Yehowa gu kɛ bu Isak he?

1 Mose 16:1-4, 15, 16; 17:25-27; 18:1-15; 21:1-14; Hebri Bi 11:11

    Dangme Womihi Tsuo (2000-2025)
    Moo Je Mi
    Moo Sɛ Mi
    • Dangme
    • Kɛ Mane
    • Bɔ Nɛ O Suɔ Lɛ Ha
    • Copyright © 2025 Watch Tower Bible and Tract Society of Pennsylvania
    • E He Mlaahi
    • Laami Sanehi A He Mlaahi
    • Laami Sanehi A He Blɔ Nya Tomi
    • JW.ORG
    • Moo Sɛ Mi
    Kɛ Mane