‘Wa Fiɛɛɔ Ngɛ We Fɛɛ We Mi’

1. Wa fiɛɛɔ Yehowa munyu’ɔ ngɛ

Wehi tsuo a mi daa.

Wa lɛɛ Yehowa tohi ngɛ

Ma kɛ ngmɔhi a nɔ.

Nihewi kɛ zangmawi tsuo

Fiɛɛ sane kpakpa daa.

Kristo de to kaa waa fiɛɛ kɛ

Kpa mahi tsuo a nɔ.

2. Wa fiɛɛ yi wami hemi ngɛ

Wehi tsuo a mi daa.

Nimli nɛ tsɛɛ Yehowa biɛ,

Maa hi si kɛ ya daa.

Se ke a li Yehowa biɛ,

A ma nyɛ ma tsɛ lo?

E sa nɛ waa fiɛɛ Mawu biɛ

Ngɛ we fɛɛ we mi daa.

3. Nyɛ ha waa fiɛɛ sane kpakpa

Ngɛ sinyahi a nya.

Nimli suɔ jio, a sume jio,

Wa nyɛ we nɔ ko nɔ.

Wa maa tsɔɔ mɛ Mawu biɛ kɛ

E he anɔkuale.

Ke wa yaa tsu fɛɛ tsu nya daa,

Wa maa na to ko kɛ̃.