Kpakpa Peemi

1. Oo, Yehowa, mo ji Mawu

Nɛ e peeɔ nimli kpakpa!

O ji o sɔmɔli a se,

O peeɔ mɛ tsuo kpakpa daa.

O naa adesahi mɔbɔ

Pe bɔ nɛ wa maa kale.

E sa nɛ waa kɛ wa tsui tsuo

Nɛ sɔmɔ mo daa kɛ daa.

2. O sɔmɔli tsuo kaseɔ mo

Nɛ a peeɔ nimli kpakpa.

A je mi bami hu he tsɔ,

Nɛ a fiɛɛ sane kpakpa.

Ní kpakpahi nɛ o tsɔɔ wɔ

Wo yiblii wawɛɛ nitsɛ.

Ha mumi nɛ ye kɛ bua wɔ

Nɛ́ waa pee nimli kpakpa.

3. Wa peeɔ wa nyɛmimɛ kpakpa,

Nɛ wa suɔ kaa o jɔɔ wɔ.

Wa peeɔ nimli tsuo kpakpa daa,

Se nyɛmimɛ a he hia.

Yehowa, mo ha nɛ waa pee

Wa weku mi bimɛ tsuo,

Kɛ nimli kpahi tsuo kpakpa,

Konɛ o suɔ wa sane.