LA 152
We Nɛ Ma Ha Nɛ A Je O Yi
(1 Matsɛmɛ 8:27; 1 Kronika 29:14)
1. Yehowa, mo lɛ o bɔ hiɔwe,
Hiɔwe kɛ hiɔwe se kpi mo.
O be nyɛe ma ba hi zugba nɔ,
Se o mumi’ɔ ma nyɛ hi nɔ.
O ha o jami he n’ɔ hyi tɔ
Kɛ nimli nɛ nyɛɛɔ ngɛ la nya.
Waa kɛ kake peemi sɔmɔɔ mo,
Nɛ o bua jɔ wa jami’ɔ he.
(NƆ HEMI ENYƆNE)
Nɔ́ ko be nɛ wa ngɛ
Nɛ pi mo nɛ o ha wɔ.
Níhi tsuo nɛ wa ha mo
Je mo nitsɛ o ngɔ.
(NƆ HEMI)
Wa bua jɔ níhi nɛ o pee he;
Wa ngɛ lae kɛ ngɛ o yi jee.
O ha nɛ wa nyɛ nɛ wa po we
Nɛ ma ha a je o yi daa.
2. Yehowa, mo nitsɛ o le kaa
Wa hia he ko nɛ ma ha nɛ
O jali nɛ a je o yi daa,
Nɛ nimli nɛ nyɛɛ o blɔ nɔ.
We n’ɔ nɛ ha nimli nɛ pee jã.
Wa gbi ní tsumi nɛ Kristo
Ke wa tsu kɛ ha lɛ’ɔ nya lolo.
Moo ye bua wɔ nɛ waa gbe nya.
(NƆ HEMI ENYƆNE)
Wa ngɔ wa níhi tsuo
Kɛ ngɛ mo hae kaa o ngɔ.
E sa nɛ wa kɛ ha mo—
O ngɔ wa ná kɛ je.
(NƆ HEMI)
Wa bua jɔ níhi nɛ o pee he;
Wa ngɛ lae kɛ ngɛ o yi jee.
O ha nɛ wa nyɛ nɛ wa po we
Nɛ ma ha a je o yi daa.