LA 159
Wo Yehowa Hɛ Mi Nyami
(La 96:8)
1. Yehowa Ma’u, o je agbo.
Mɛnɔ lɛ e kɛ mo sɔ?
Mɛni lɛ ma kɛ na mo si
Ngɛ suɔmi nɛ o suɔ mi’ɔ he?
Ke i wo ye yi nɔ gbɔkuɛ,
I naa o hɛ mi nyami’ɔ.
I kle we k’laa ngɛ o hɛ mi,
Se o gbla mi kɛ ba o ngɔ.
(NƆ HEMI)
Yehowa Ma’u, ma la kɛ je o yi.
Ma je o yi daa kɛ daa.
Mo ji ye Ma’u, nɛ mo ji ye Matsɛ.
Hɛ mi nyami bɔle mo.
Lɔ’ ma kplã si kɛ ha mo.
2. I jɔɔ ye wami nɔ ha mo.
Ma pee o suɔmi nya ní.
Ma jaje o kpakpa peemi’ɔ.
Ma ha nimli tsuo nɛ a le.
E ji he blɔ ngua nɛ i ná.
Kaa ma ja mo, Yehowa.
Mo lɛ o woɔ mi he wami.
Mo lɛ o tsɔɔ mi blɔ nɛ da.
(NƆ HEMI)
Yehowa Ma’u, ma la kɛ je o yi.
Ma je o yi daa kɛ daa.
Mo ji ye Ma’u, nɛ mo ji ye Matsɛ.
Hɛ mi nyami bɔle mo.
Lɔ’ ma kplã si kɛ ha mo.
3. O nguɛ nya ní tsumi ngɛ fɛu.
Nɛ a ngɛ nyakpɛ wawɛɛ.
O je blɔ pee ha o bimɛ,
Konɛ a bua nɛ jɔ a he.
O nibɔ ní ha i na kaa
O ngɛ suɔmi nɛ se be,
He wami kɛ nile piɛɛ he
Lɔ’ he je ma na mo si daa.
(NƆ HEMI)
Yehowa Ma’u, ma la kɛ je o yi.
Ma je o yi daa kɛ daa.
Mo ji ye Ma’u, nɛ mo ji ye Matsɛ.
Hɛ mi nyami bɔle mo.
Lɔ’ ma kplã si kɛ ha mo.
(Moo hyɛ La 96:1-10; 148:3, 7 hulɔ.)