LA 161
O Suɔmi Nya Ní Lɛ Ma Pee
(La 40:8)
1. O bi Yesu ba zugba n’ɔ nɔ
Ejakaa e suɔ mo wawɛɛ,
Nɛ e fi o yi mi tomi se
E kɛ ka slɔɔtohi kpe.
Se e pee we nɔ́ yayami ko.
E kɛ kã fa o biɛ he.
E bua jɔ o mlaa he saminya,
Nɛ imi hu ma pee jã.
(NƆ HEMI)
O suɔm’ nya ní lɛ ma pee daa.
Ma pee ja kɛ ye tsui tsuo k’laa.
Bua jɔmi hyi ye tsui mi tɔ.
Ma nyɛɛ ngɛ o blɔ’ɔ nɔ daa.
O suɔm’ nya ní lɛ ma pee daa.
Lɔ’ ji nɔ́ nɛ he hia pe k’laa
Yi je mi tsuo ma kɛ ha mo.
Ma je o yi nyɔ kɛ pia.
Ma ja mo daa.
2. Yehowa, o haa mi bua jɔmi
Ye bua jɔ kaa mo ji ye Ma’u.
Lɔ’ɔ ma ye o he odase kaa,
Anɔkualetsɛ ji mo.
E ji he blɔ kaa ma sɔmɔ mo
Nɛ ma pee o suɔm’ nya ní.
I fia ye pɛɛ si kaa ma ja mo,
Nɛ ma fa o biɛ he daa.
(NƆ HEMI)
O suɔm’ nya ní lɛ ma pee daa.
Ma pee ja kɛ ye tsui tsuo k’laa.
Bua jɔmi hyi ye tsui mi tɔ.
Ma nyɛɛ ngɛ o blɔ’ɔ nɔ daa.
O suɔm’ nya ní lɛ ma pee daa.
Lɔ’ ji nɔ́ nɛ he hia pe k’laa
Yi je mi tsuo ma kɛ ha mo.
Ma je o yi nyɔ kɛ pia.
Ma ja mo daa.
Ma pee o suɔm’ nya ní.