A na Mawu biɛ ngɛ blema Baiblo ko mi (lɔ ɔmɛ a kadi ɔ nɛ)
Mɛni Baiblo ɔ De?
Anɛ Mawu ngɛ biɛ lo?
NI KOMƐ DEƆ KE e be biɛ, ni komɛ deɔ ke e biɛ ji Mawu loo Nyɔmtsɛ, nɛ ni komɛ hu deɔ ke e ngɛ biɛhi fuu. Kɛ mo hu o susu kɛɛ?
NƆ́ NƐ BAIBLO Ɔ DE
“Mo nɛ o biɛ ji Yehowa a, mo pɛ lɛ o Nɔ Kuɔ Pe Kulaa ngɛ zugba a nɔ tsuo.”—La 83:18, NW.
MƐNI HU WA MA NYƐ MAA KASE NGƐ BAIBLO Ɔ MI?
E ngɛ mi kaa Mawu ngɛ sablai fuu mohu lɛɛ, se e ha e he biɛ kake pɛ.—2 Mose 3:15.
Mawu ɔ, pi nɔ ko nɛ wa be nyɛe maa le lɛ; e suɔ nɛ waa le lɛ.—Bɔfo Ɔmɛ A Ní Tsumi 17:27.
Ke wa suɔ nɛ waa kɛ Mawu nɛ pee huɛ ɔ, nɔ́ nɛ e sa nɛ waa pee kekleekle ji kaa wa maa le e biɛ.—Yakobo 4:8.
Anɛ tɔmi ngɛ he kaa wa ma tsɛ Mawu biɛ lo?
KƐ O MA DE KƐƐ?
Ee
Dɛbi
Eko ɔ
NƆ́ NƐ BAIBLO Ɔ DE
‘Ko tsɛ Yehowa, o Mawu ɔ biɛ yaka gu.’ (2 Mose 20:7) Wa ma nyɛ maa ngɔ Mawu biɛ kɛ tsɛ lɛ, se e sɛ nɛ wa tsɛ biɛ ɔ kɛkɛ.—Yeremia 29:9.
MƐNI HU WA MA NYƐ MAA KASE NGƐ BAIBLO Ɔ MI?
Yesu ngɔ Mawu biɛ kɛ tsɛ lɛ.—Yohane 17:25, 26.
Mawu suɔ kaa waa ngɔ e biɛ kɛ tsɛ lɛ.—La 105:1.
Mawu he nyɛli bɔɔ mɔde kaa a ma ha nɛ nihi a hɛ nɛ je Mawu biɛ ɔ nɔ.—Yeremia 23:27.