Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower January 1

“Anɛ o susu kaa zugba a nɛ a ngɛ puɛe ɔ ngɛ Mawu haoe lo? [Ngmɛɛ blɔ nɛ e ha heto. Lɔɔ se ɔ, kane Kpojemi 11:18.] Womi nɛ ɔ tsɔɔ Ngmami nya yi mi tomihi a heje nɛ sa kaa wa ná hɛ nɔ kami kaa zugba a be puɛe kulaa.” Ngɔɔ munyu nɛ ngɛ bafa 18 kɛ tsɔɔ lɛ.

Awake! January

“Ke nihi kɛ haomihi ngɛ kpee ɔ, e peeɔ mɛ kaa Mawu lɛ ngɛ a tue gblae? Anɛ mo hu e pee mo jã hyɛ lo? [Ngmɛɛ blɔ nɛ e ha heto. Lɔɔ se ɔ, kane Yakobo 1:13.] Womi nɛ ɔ tsɔɔ he tutuutu nɛ wa haomi ɔmɛ ngɛ jee, kɛ nɔ́ heje nɛ wa ma nyɛ ma ná he kɛ nɔ fɔmi kaa e be kɛe nɛ a se maa po.” Ngɔɔ munyu nɛ ngɛ bafa 28 kɛ tsɔɔ lɛ.

The Watchtower February 1

“Anɛ o susu kaa Mawu kplɛɛɔ jamihi tsuo a nɔ lo? [Ngmɛɛ blɔ nɛ e ha heto.] Hyɛ nɔ́ nɛ Yesu de. [Kane Mateo 15:8, 9.] Womi nɛ ɔ tsɔɔ keji Mawu kplɛɛɔ jamihi tsuo nɔ loo e kplɛɛ we nɔ.” Ngɔɔ munyu nɛ ngɛ bafa 9 kɛ tsɔɔ lɛ.

Awake! February

“Zugba a nɔ ní ɔmɛ tsuo a si fɔfɔɛ tsɔɔ kaa a pee mɛ konɛ a baa wami yi. Anɛ o susu kaa a ba tlukaa, loo Bɔlɔ ko lɛ to a he blɔ nya? [Ngmɛɛ blɔ nɛ e ha heto.] Nihi fuu kplɛɛɔ Ngmami nɛ ɔ nɔ. [Kane La 104:24.] Womi nɛ ɔ ha wɔ adebɔ kɛ Ngmami ɔ mi odase yemihi nɛ́ tsɔɔ kaa Bɔlɔ ko ngɛ.”