Nɔ́ Nɛ O Ma De Loko O Kɛ Womi Ɔmɛ Ma Ha

The Watchtower May 1

“Ke nɔ tsuaa nɔ ngɔ Yesu munyu nɛ ɔ kɛ tsu ní ɔ, kɛ o susu kaa je ɔ mi maa hi ha kɛɛ? [Kane Mateo 7:12. Lɔɔ se ɔ, moo ngmɛ lɛ blɔ nɛ e ha heto.] Womi nɛ ɔ tu Yesu tsɔɔmi ɔ ekomɛ a he munyu nɛ e tsɔɔ nɔ́ tutuutu nɛ e sa kaa Kristofono nɛ e pee.” Ngɔɔ munyu nɛ je sisi ngɛ bafa 16 a kɛ tsɔɔ lɛ.

Awake! May

“Anɛ o susu kaa e be kɛe nɛ je ɔ sika he blɔ nya tomi maa hi pe bɔnɛ e ngɛ nɛ ɔ lo? [Ngmɛɛ lɛ blɔ nɛ e ha heto.] Nihi fuu li kaa Baiblo ɔ ma nyɛ maa ye bua wɔ ngɛ he fimi be nɛ ɔmɛ a mi. [Kane ngmami ko ngɛ womi ɔ mi kɛ tsɔɔ lɛ.] Womi nɛ ɔ tsɔɔ bɔnɛ Baiblo ga womi ma nyɛ maa ye bua wɔ ha ke waa kɛ sika he haomi kpe.” Ngɔɔ munyu nɛ je sisi ngɛ bafa 18 ɔ kɛ tsɔɔ lɛ.

The Watchtower June 1

“Mwɔnɛ ɔ, sɔlemihi fuu tui yayami peemi he munyu kaa be ko nɛ be ɔ. Anɛ o he ye kaa yayami peemi ji nɔ́ ko nɛ e sɛ kaa a tuɔ he munyu ngɛ wa be nɛ ɔ mi lo, aloo e ji nɔ́ ko nɛ sa kaa wa susu he saminya? [Ngmɛɛ lɛ blɔ nɛ e ha heto. Lɔɔ se ɔ, kane Romabi 5:12.] Womi nɛ ɔ tsɔɔ nɔ́ nɛ Baiblo ɔ de kɛ kɔ yayami he.”

Awake! June

“E ngɛ kaa nɔ́ nɛ haomihi a mi ngɛ wae ngɛ si himi ɔ mi, aloo kɛ moo o na lɛ kɛɛ? [Ngmɛɛ lɛ blɔ nɛ e ha heto.] Nihi babauu na kaa munyu nɛ ɔ tsɔɔ yi mi tomi kake heje nɛ haomihi a mi ngɛ wae jã a. [Kane 2 Timoteo 3:1.] A susu bɔnɛ haomihi náa wa nɔ he wami ha a he ngɛ womi nɛ ɔ mi. Jehanɛ se hu ɔ, e tsɔɔ wɔ ga blɔ nɔ nɛ wa maa gu kɛ da haomihi a nya.”