Womi Ehe Nɛ Waa Kɛ Ma Hla Níhi A Mi

Fiɛɛli ayɔhi abɔ nɛ a ngɛ je kɛ wɛ ɔ ngɔ Watch Tower Publications Index ɔ kɛ tsu ní saminya. A pee Index ɔ ngɛ gbihi bɔɔ pɛ mi ejakaa e peemi yee. Se akɛnɛ Research Guide for Jehovah’s Witnesses ɔ peemi yí he je ɔ, a pee ngɛ gbihi 170 mi. Womihi nɛ a pee kɛ je jeha 2000 kɛ ma nɛ ɔ pɛ ji womihi nɛ a tsɛ se ngɛ Research Guide ɔ mi. Ngɛ gbihi nɛ a pee Index ɔ ngɛ mi ɔmɛ a mi ɔ, a pee Research Guide for Jehovah’s Witnesses ɔ ngɛ Watchtower Library kɛ Watchtower​—ONLINE LIBRARY ɔ pɛ nɔ. Research Guide ɔ maa ye bua mo konɛ o nyɛ nɛ o dla o he kɛ ha asafo mi kpehi, nɛ o hla Baiblo mi sane bimihi a heto, kɛ ga womihi nɛ maa ye bua mo ngɛ si himi mi, kɛ o weku Mawu jami mi.