O Kɛ Nihi Nɛ Gba “Ní Kpakpahi” Kɛ Gu Nibwɔ Peemi Nɔ (Mat. 12:35a)

Wɔ tsuo wa suɔ kaa wa maa “bɔ nibwɔ peemi he mɔde” nɛ waa kɛ nihi ma gba “ní kpakpahi” nɛ wa ngɛ ɔ. (Rom. 12:13) Asafo mi nikɔtɔmahi peeɔ nibwɔ peemi he nɔ hyɛmi nɔ́ kpakpa, nɛ ke nɔ ko je asafo kpa mi kɛ ba tu munyu ngɛ a we asafo ɔ mi ɔ, a hyɛɛ e nɔ, nɛ a woɔ hiɔ nɛ nɔ ɔ bɔ ngɛ blɔ hiami mi ɔ. Akɛnɛ wa kpɛti ni komɛ susu kaa a be nɔ́ ko, loo a hao ɔ kaa ke a fɔ nihi nine kɛ ba a we mi ɔ a be nyɛe maa hyɛ a nɔ he je ɔ, a gblaa a nane si kaa a maa pee nihi nibwɔ. Nɔ́ nɛ Yesu de Marta a maa ye bua wɔ konɛ wa je jamɛ a susumi ɔ kɛ je wa yi mi. (Luka 10:39-42) E ma nɔ mi kaa nɔ́ nɛ ‘he hia’ ngɛ nibwɔ peemi mi ji huɛ bɔmi kɛ ní sɛɛmi nɛ woɔ nɔ he wami nɛ yaa nɔ ɔ, se pi niye ní fuu loo níhi nɛ a kɛ dla we ɔ mi ɔ. Ke waa kɛ ga womi nɛ ɔ tsu ní ɔ, waa kɛ wa nyɛmimɛ ma gba “ní kpakpahi” nɛ wa ngɛ ɔ kaa bɔ nɛ Mawu Munyu ɔ tsɔɔ ɔ.​​—3 Yoh. 5-8.