JUETLI NƐ NGƐ MAWU MUNYU Ɔ MI | LA 45-51
Yehowa Be Nihi Nɛ A Hao Nɛ A Ngɛ Tsui Yee ɔ Kuae
Matsɛ David ngma La 51 ɔ benɛ gbalɔ Natan ya de lɛ kaa e kɛ Batsheba a pee yayami nɛ hɛdɔ ngɛ he ɔ se. David he nile bu lɛ fɔ, nɛ e je he si bami mi kɛ jaje e he yayami ɔ.—2Sam 12:1-14.
David tɔ̃, se e nyɛ nɛ e dla e kɛ Yehowa a kpɛti ekohu
E he nile hao lɛ wawɛɛ, nɛ lɔ ɔ ha nɛ e pia e he, nɛ e jaje e yayami ɔ
E hao wawɛɛ kaa huɛ bɔmi nɛ ngɛ e kɛ Mawu a kpɛti ɔ puɛ, enɛ ɔ ha nɛ e pee kaa nɔ ko nɛ e he wami tsuo ta
E hyɛ blɔ kaa Mawu maa ngɔ e he yayami ɔ kɛ pa lɛ, nɛ e ma dla e kɛ lɛ a kpɛti, konɛ e ná bua jɔmi ekohu
E je he si bami mi nɛ e kpa Yehowa pɛɛ kaa e ye bua lɛ nɛ e nyɛ nɛ e bu lɛ tue
E he ye kaa Yehowa maa ngɔ e tɔ̃mi ɔ kɛ pa lɛ