Womi Hami He Munyuhi

Sane Bimi: Ni komɛ he ye kaa Yesu hi zugba a nɔ hyɛ, se ni komɛ hu he we yi. Ni komɛ hu susu kaa nɔ ko be nyɛe maa tsɔɔ. Kɛ moo o susu kɛɛ?

Womi ɔ Hami: Awake! womi tɛtlɛɛ nɛ ɔ tsɔɔ níhi nɛ maa ye bua wɔ konɛ wa ná nɔ mi mami kaa Yesu hi zugba a nɔ hyɛ.

Sane Bimi: Ke nɔmlɔ gbo ɔ, mɛni si fɔfɔɛ mi e ya jee?

Ngmami: Yoh 11:11-14

Anɔkuale Munyu: Ke nɔ ko gbo ɔ, kɛkɛ e wami se po. Enɛ ɔ he ɔ, e sɛ nɛ waa ye gbeye kaa ke wa gbo ɔ, a ma pii wɔ ngɛ he ko. Yesu ngɔ gbenɔ kɛ to mahe he. Kaa bɔ nɛ Yesu “tsɛ̃ɛ̃” Lazaro ɔ, jã kɛ̃ nɛ e ma nyɛ ma tle wa suɔli nɛ a gbo ɔ hu si konɛ a kɛ wɔ nɛ ba hi zugba a nɔ ngɛ bua jɔmi mi ekohu.​—Hiob 14:14.

Womi ɔ Hami: I suɔ nɛ ma fɔ mo nine konɛ o ba bu Baiblo mi munyu ko tue ngɛ wa Matsɛ Yemi Asa a nɔ. [Moo ngɔ nine fɔmi womi ɔ kɛ ha lɛ, nɛ o tsɔɔ lɛ be kɛ he nɛ a maa pee kpe ɔ ngɛ konɛ o tsɔɔ lɛ magbɛ nɔ munyu nɛ a maa tu ɔ yi.]

Sane Bimi: Anɛ o ya Matsɛ Yemi Asa ko nɔ hyɛ lo? [Ke e maa hi ɔ, mo je video nɛ ji, Mɛni A Peeɔ Ngɛ Matsɛ Yemi Asahi A Nɔ? ɔ kɛ tsɔɔ lɛ.]