Womi Hami He Munyuhi

Sane Bimi: Wɔ tsuo wa hia bua womi be komɛ. Se jije wa ma ná bua womi ngɛ?

Ngmami: 2Kor 1:3, 4

Womi ɔ Hami: A tsɔɔ blɔ nɛ Mawu guɔ nɔ kɛ woɔ wa bua ngɛ Hwɔɔmi Mɔ nɛ ɔ mi.

Sane Bimi: Anɛ o na kaa Baiblo gbami nɛ ɔ ngɛ mi bae mwɔnɛ ɔ lo?

Ngmami: 2Tim 3:1-5

Anɔkuale Munyu: Baiblo gbami nɛ ɔ nɛ ngɛ mi bae ngɛ wa be nɛ ɔ mi ɔ maa nɔ mi kaa si nɛ Mawu wo kaa wa ma ná si himi kpakpa hwɔɔ se ɔ hu maa ba mi.

Nɔ́ Nɛ O Ma De Kɛ Je Sisi: Wa ngɛ video kpiti ko jee kɛ ngɛ nihi tsɔɔe. E tsɔɔ bɔ nɛ wa ma plɛ kɛ ná sane bimihi nɛ a he hia a a heto, konɛ wa tsui nɛ nɔ wa mi. [Mo je video ɔ kɛ tsɔɔ lɛ.]

Womi ɔ Hami: Baiblo ɔ tsɔɔ kaa hwɔɔ se ɔ, Mawu maa po haomihi nɛ waa kɛ kpeɔ ɔ se. Womi nɛ ɔ tsɔɔ blɔ nɔ nɛ Mawu maa gu kɛ pee jã. [Ha lɛ Tsɔɔ Wɔ womi ɔ.]