Yehowa He Nile Yeɔ Bua Wɔ Nɛ Wa Hyɛ We Nɔ Hɛ Mi

Yehowa hyɛ we nɔ hɛ mi. (Níts 10:34, 35) E bua jɔ nimli nɛ a ‘je mahi kɛ, wɛtso munomunohi a mi, kɛ nimli nɛ a tuɔ gbi munomunohi’ a he. (Kpoj 7:9) Enɛ ɔ he ɔ, ngɛ Kristofohi asafo ɔ mi ɔ, wa bui ni komɛ kaa a he hia pe ni komɛ. (Yak 2:1-4) Yehowa he ní nɛ wa kase ɔ ha nɛ wa pee tsakemihi ngɛ wa si himi mi, nɛ wa ngɛ bua jɔmi ngɛ mumi mi paradeiso ɔ mi. (Yes 11:6-9) Ke wa bɔ mɔde nɛ waa kɛ wa ní peepee tsɔɔ kaa wa hyɛ we nɔ hɛ mi ɔ, lɔ ɔ tsɔɔ kaa wa ngɛ Mawu kasee.​—Efe 5:1, 2.

MOO HYƐ VIDEO NƐ JI, JOHNY KƐ GIDEON: HE NYƐLI NƐ A BA PEE NYƐMIMƐ, NƐ O HA SANE BIMI NƐ ƆMƐ HETO:

• Mɛni he je nɛ níhi nɛ Yehowa tsɔɔ wɔ ɔ pɛ nɛ ma nyɛ ma je nɔ hɛ mi hyɛmi kɛ je se pi adesahi a mɔde bɔmi?

• Mɛni o bua jɔ he ngɛ wa nyɛmimɛ nɛ a ngɛ je kɛ wɛ ɔ a he?

• Ke wa ya nɔ nɛ waa kɛ wa nyɛmimɛ hi si ngɛ tue mi jɔmi mi ɔ, mɛni blɔ nɔ lɔ ɔ maa wo Yehowa hɛ mi nyami ngɛ?