Nyɛmimɛ nɛ a ngɛ sane kpakpa a fiɛɛe ngɛ Ghana
Womi Hami He Munyuhi
HWƆƆMI MƆ
Sane Bimi: Ni komɛ susu kaa Baiblo ɔ be nyɛe maa ye bua wɔ ngɛ wa be nɛ ɔ mi. Ni komɛ hu susu kaa loloolo ɔ, Baiblo ɔ he hia. Kɛ mo hu o susu kɛɛ?
Ngmami: 2Tim 3:16, 17
Womi ɔ Hami: Hwɔɔmi Mɔ nɛ ɔ tsɔɔ ga womi kpakpa komɛ nɛ ngɛ Baiblo ɔ mi nɛ wa ma nyɛ ma ná he se. E tsɔɔ níhi hu nɛ o ma nyɛ maa pee konɛ ke o kane Baiblo ɔ, o nyɛ nɛ o nu sisi.
TSƆƆ NIHI ANƆKUALE Ɔ
Sane Bimi: Anɛ je ɔ nyagbe su ta lo?
Anɔkuale Munyu: Baiblo gbamihi tsɔɔ kaa wa ngɛ nyagbe ligbi ɔmɛ a mi. Se kɛ̃ ɔ, sane kpakpa ko ngɛ. E be kɛe nɛ si himi kpakpa maa ba.
SANE KPAKPA NƐ JE MAWU NGƆ!
Sane Bimi: Nihi fuu deɔ ke, ke o ngɛ Baiblo mi gbamihi kanee ɔ, e ngɛ kaa nɔ́ nɛ o ngɛ adafi fiami womi kanee. I suɔ nɛ ma kane ngmami ko kɛ tsɔɔ mo. Moo hyɛ kaa níhi nɛ ma kane ɔ a kpɛti te nɛɛ lɛ o na kaa e ngɛ nɔ yae mwɔnɛ ɔ.
Ngmami: 2Tim 3:1-5
Womi ɔ Hami: E ngɛ mi kaa níhi nɛ ngɛ nɔ yae ɔ hí mohu lɛɛ, se sane kpakpa ko ngɛ kɛ ha nihi nɛ a suɔ Mawu ɔ. Womiyo nɛ ɔ tsɔɔ mi. [Moo tu sane bimi 2 nɛ ngɛ kekleekle ní kasemi ɔ mi ɔ he munyu.]
DLA MO NITSƐ O FIƐƐMI MUNYU
Moo hyɛ nɔ́ nɛ a ngma a nɔ kɛ dla mo nitsɛ o fiɛɛmi munyu.