“Oo Yehowa, I Ngɔ Ye Hɛ Kɛ Fɔ O Nɔ”

E he hia nɛ waa ngɔ wa hɛ kɛ fɔ Yehowa nɔ ngɛ be kpakpahi kɛ haomi behi tsuo a mi. (La 25:1, 2) Maa pee jeha lafa kpaago kɛ se loko a fɔ Kristo ɔ, Yuda bi ɔmɛ kɛ si himi ko nɛ mi wa kpe. Enɛ ɔ ba pee ka ha mɛ. Anɛ a maa ngɔ a hɛ kɛ fɔ Mawu nɔ lo? Wa ma nyɛ maa kase níhi fuu kɛ je nɔ́ nɛ ya nɔ ɔ mi. (Rom 15:4) Ke o hyɛ video nɛ ji ‘Oo Yehowa, I Ngɔ Ye Hɛ Kɛ Fɔ O Nɔ’ ɔ ta a, mo ha sane bimi nɛ ɔmɛ a heto.

1. Mɛni nyagbahi Hezekia kɛ kpe?

2. Benɛ Hezekia na kaa Asiria bi ɔmɛ ma nyɛ ma sa ma a yi ɔ, mɛni e pee nɛ tsɔɔ kaa e ngɔ sisi tomi mlaa nɛ ngɛ Abɛ 22:3 ɔ kɛ tsu ní?

3. Mɛni he je nɛ Hezekia pee we e juɛmi kaa e maa ngmɛɛ ma a he kɛ ha Asiria bi ɔmɛ, aloo e ma ya hla yemi kɛ buami kɛ je Egipt bi ɔmɛ a ngɔ ɔ?

4. Mɛni Kristofohi ma nyɛ maa kase ngɛ nɔ hyɛmi nɔ́ kpakpa nɛ Hezekia pee ɔ mi?

5. Mɛni si fɔfɔɛhi waa kɛ kpeɔ mwɔnɛ ɔ nɛ biɔ kaa waa ngɔ wa hɛ kɛ fɔ Yehowa nɔ wawɛɛ?

Moo ngma si fɔfɔɛhi a mi nɛ e ma bi nɛ o ngɔ o hɛ kɛ fɔ Yehowa nɔ wawɛɛ.