Ezekiel Bua Jɔ He Kaa E Maa Fiɛɛ Mawu Sɛ Gbi ɔ

Ezekiel na ngɛ nina mi kaa Yehowa ha lɛ womi kpo, nɛ e de lɛ ke e ye. Kɛ nina nɛ ɔ he hia ha kɛɛ?

2:9–3:2

• E sa nɛ Ezekiel nɛ nu Mawu sɛ gbi ɔ sisi saminya. Ke Ezekiel pue e yi mi tɛ ngɛ womi kpo ɔ mi munyu ɔmɛ a he ɔ, e maa sɛ e tsui mi tɔ̃ɔ, nɛ lɔ ɔ maa wo lɛ he wami konɛ e fiɛɛ sɛ gbi ɔ

3:3

• Akɛnɛ Ezekiel tsu ní tsumi nɛ a kɛ wo e dɛ ɔ kɛ bua jɔmi he je ɔ, womi kpo ɔ ngɔ ha lɛ

Ke i sɔle loko i kase Baiblo ɔ, nɛ i pue ye yi mi tɛ ngɛ he ɔ, kɛ e maa ye bua mi ha kɛɛ?

Mɛni ma pee konɛ ma tsu fiɛɛmi ní tsumi ɔ kɛ bua jɔmi?