Yesu Suɔ Nimli

Mateo yi 8 kɛ 9 ɔ tsɔɔ ní komɛ nɛ ya nɔ ngɛ Yesu sɔmɔmi ní tsumi ɔ mi ngɛ Galilea kpokpa a nɔ. Yesu tsa nihi kɛ tsɔɔ kaa e ngɛ he wami, se titli ɔ, e pee jã kɛ tsɔɔ kaa e ngɛ suɔmi agbo kɛ ha ni ɔmɛ, nɛ e mi mi sãa lɛ ngɛ a he.

1. 

   Yesu tsa kpititsɛ ko.​—Mat 8:1-3

2. Yesu tsa ta bulɔ nɔkɔtɔma ko tsɔlɔ.​—Mat 8:5-13

   E tsa Petro nganyɛ.​—Mat 8:14, 15

   E hia mumi yayamihi, nɛ e tsa nihi nɛ a ngɛ nɔ́ nae.—Mat 8:16, 17

3. Yesu hia daimoniohi nɛ a he ngɛ gbeye wawɛɛ nitsɛ ngɛ nihi a mi, nɛ e ha nɛ a ya sɛ kpotoo babauu komɛ a mi.​—Mat 8:28-32

4. Yesu tsa nyumu ko nɛ e hule.​—Mat 9:1-8

   E tsa yo ko nɛ e pɛtɛ e tade ɔ he ɔ, nɛ e tle Yairo biyo ɔ si.—Mat 9:18-26

   E tsa hɛ yuyuili kɛ nihi nɛ a nyɛ we munyu tumi.—Mat 9:27-34

5. Yesu kpa ma amɛ kɛ kɔpe ɔmɛ a mi, nɛ e tsa hiɔ slɔɔtohi kɛ gbɔjɔmi slɔɔtohi tsuo.​—Mat 9:35, 36

Mɛni ma nyɛ ma pee kɛ je suɔmi kɛ mi mi sami kpo kɛ tsɔɔ nihi pe bɔ nɛ i ngɛ pee amlɔ nɛ ɔ?