Moo Hyɛ Saminya Nɛ O Ko Tɔ̃tɔ̃ Mo Nitsɛ Kɛ Ni Kpahi A Nane

Yesu ngɔ nɔ́ he tomi níhi kɛ tsu ní kɛ tsɔɔ hɛdɔ nɛ ngɛ wa nane nɛ maa tɔ̃tɔ̃, aloo ni kpahi a nane nɛ wa maa tɔ̃tɔ̃ ɔ he.

18:6, 7

• “Nɔ́ nɛ tɔ̃tɔ̃ɔ nɔ nane” ji ní peepee aloo si fɔfɔɛ ko nɛ ma ha nɛ nɔ ko maa pee nɔ́ nɛ dɛ, aloo e be e je mi bae saminya, aloo e maa pee yayami

• Nɔ nɛ tɔ̃tɔ̃ɔ nɔ nane ɔ, afani nɛ a fi wɛ tɛ ngɔ wo e kuɛ nɛ a ya ngmɛɛ e he kɛ fɔ wo ɔ kpɛti

18:8, 9

• Yesu kɛ ga womi ha e se nyɛɛli ɔmɛ kaa ke nɔ́ ko nɛ e hia wawɛɛ kaa a nine loo a hɛ ngmɛ po ma ha nɛ a nane nɛ tɔ̃tɔ̃ ɔ, a je nɛ a sake kɛ fɔ he

• E maa hi kaa nɔ ko maa ngmɛɛ nɔ́ ko nɛ e bua jɔ he wawɛɛ kaa jã a he konɛ e sɛ Mawu Matsɛ Yemi ɔ mi mohu pe nɛ e maa ya nɔ maa pɛtɛ he nɛ a ma sake lɛ ngɔ fɔ Gehena, nɛ peeɔ neneene hɛ mi kpatami he okadi ɔ

Mɛni ji nɔ́ ko nɛ ma nyɛ maa tɔ̃tɔ̃ ye nane ngɛ ye si himi mi, nɛ kɛ ma pee kɛɛ konɛ jamɛ nɔ́ ɔ nɛ ko tɔ̃tɔ̃ imi nitsɛ kɛ ni kpahi a nane?